للت مودی نے ملک کے ساتھ غداری کی اور ہزاروں کروڑ کا گھوٹالہ کیا

نئی دہلی،سماج نیوز سروس:عام آدمی پارٹی نے بی جے پی کے بانسوری سوراج کو نئی دہلی لوک سبھا سیٹ سے اپنا امیدوار بنائے جانے پر سوال اٹھائے ہیں۔ نئی دہلی سے آپ کے امیدوار سومناتھ بھارتی نے بانسوری سوراج پر بڑا حملہ کرتے ہوئے کہا کہ بانسوری سوراج نے ملک سے غداری کرنے والے للت مودی کو بیرون ملک فرار ہونے میں مدد کی تھی۔ بانسوری سوراج، جو للت مودی کے وکیل تھیں،انہوں نے ان کے پاسپورٹ کی تجدید کروائی اور عدالت کی ڈبل بینچ کے فیصلے سے قبل انہیں بیرون ملک بھیج دیا۔ للت مودی نے خود ٹویٹ کرکے بانسوری سوراج کا شکریہ ادا کیا۔ وہ بانسری جس نے ملک سے ہزاروں کروڑ روپے کا فراڈ کرنے والے للت مودی کو بیرون ملک فرار ہونے میں مدد کی بھاجپا نے اب سوراج کو نئی دہلی سے اپنا امیدوار بنایا ہے۔ یہ انتہائی تشویشناک ہے۔ بانسوری سوراج کو بتانا چاہیے کہ کیا للت مودی جیسے شخص کو بچانا غداری نہیں ہے اور کیا بی جے پی نے ان سے للت مودی کی مدد کرنے کو کہا تھا؟ عام آدمی پارٹی کے سینئر لیڈر اور نئی دہلی لوک سبھا کے امیدوار سومناتھ بھارتی نے بدھ کو پارٹی ہیڈکوارٹر میں ایک پریس کانفرنس میں کہا کہ بی جے پی خود کو محب وطن ثابت کرنے کی کوشش کرتی رہتی ہیں، لیکن اس میں کامیاب نہیں ہوتی۔ بی جے پی سے کوئی سوال پوچھیں، لیکن وہ اس کا جواب نہیں دیتی۔ بی جے پی نئی دہلی لوک سبھا سیٹ سے 10 سالہ رکن پارلیمنٹ اور وزیر میناکشی لیکھی کا ٹکٹ منسوخ کر کے بانسوری سوراج کو دیا گیا۔ اب یہ بڑا سوال ہے کہ بی جے پی نے انہیں اپنا امیدوار کیوں بنایا؟ انہوں نے کہا کہ پورا ملک جانتا ہے کہ للت مودی نے ملک کو دھوکہ دیا ہے۔ للت مودی نے ملک میں ہزاروں کروڑ روپے کا گھوٹالہ کیا اور آج وہ قانون سے بچنے کے لیے ملک سے فرار ہے۔ ایسی حالت میں اسے فرار ہونے میں کس نے مدد کی؟ اس کے فرار کا ذریعہ کون بنا؟ عدالت میں کس نے دلائل دیے؟وہ نئی دہلی سے بی جے پی کی امیدوار بانسوری سوراج ہیں جنہوں نے عدالت میں للت مودی کی وکالت کی تھی۔ یہی نہیں، فرار ہونے کے بعد للت مودی نے ایکس (ٹویٹ) کے ذریعے بانسوری سوراج کا شکریہ بھی ادا کیا تھا۔ نئی دہلی سے آپ کے امیدوار سومناتھ بھارتی نے کہا کہ 2012 سے 2014 کے دوران بانسوری سوراج للت مودی کے وکیل رہی تھیں۔ حد تب ہو گئی جب عدالت کی ڈبل بینچ کے فیصلے سے پہلے ہی للت مودی کے پاسپورٹ کی تجدید کر کے انہیں بیرون ملک بھیج دیا گیا۔ بی جے پی نے ایسے شخص کو بنایا لوک سبھا امیدوار جو کہ انتہائی تشویشناک موضوع ہے۔سومناتھ بھارتی نے باسونری سوراج سے پانچ سوال پوچھے1- بانسوری سوراج بتائیں کیا للت مودی ایماندار آدمی ہے؟2- کیا بی جے پی نے بانسوری سوراج سے للت مودی کی مدد کرنے کو کہا؟3- کیا للت مودی جیسے شخص کا دفاع کرنا غداری نہیں؟4- للت مودی نے ملک کے ساتھ کتنے ہزار کروڑ روپے کا فراڈ کیا اور اس میں ان کا کیا حصہ تھا؟5- کیا بانسوری سوراج اب بھی للت مودی کو ہندوستانی قانون کے شکنجے سے بچنے کے لئے مدد کر رہی ہیں؟