سید پرویز قیصر
جنوبی افریقہ کے سابق کپتان ہنسی کرونئے25 ستمبر1969 کو بولمفنٹین میں پیدا ہوئے تھے۔ انہوں نے53 ٹسٹ میچوں اور138 ایک روزہ بین الاقوامی میچ میں جنوبی افریقہ کی قیادت کی تھی۔ وہ یکم جون2002 کو ایک ہوائی حادثہ میں ہلاک ہوئے تھے۔ جب انکا کارگو جہاز حادثہ کا شکار ہوا تو انکی عمر32 سال اور 249 دن تھی ۔ اان پر میچ فکسنگ کے الزامات تھے۔
سڈنی میں26 فروری1992 کو آسڑیلیا کے خلاف عالمی کپ کے میچ سے انہوں نے اپنے ایک روزہ بین الاقوامی کرکٹ کا آغاز کیا تھا جبکہ پاکستان کے خلاف شارجہ میں31 مارچ2000 کو کھیلا گیا ایک روزہ بین الاقوامی میچ ان کا آخری ایک روزہ بین الاقوامی میچ تھا۔ انہوں نے جن188 ایک روزہ بین الاقوامی میچوں میں شرکت کی انکی175 اننگوں میں38.64 کی اوسط اور76.47 کے اسٹرائیک ریٹ کے ساتھ دو سنچریوں اور39 نصف سنچریوں کی مدد سے5565 رن بنائے۔ وہ آتھ مرتبہ اپنا کھاتہ کھولنے میں کامیاب رہے اور ان کا سب سے زیادہ اسکور112 رن رہا جو انہوں نے آسڑیلیا کے خلاف147 منٹ میں120 بالوں پر سات چوکوں اور تین چھکوں کی مدد سے جوہانسبرگ میں19 فروری1994 کو بنایا تھا۔ اس میچ میں جنوبی افریقہ نے پانچ رن سے کامیابی حاصل کی تھی۔ انہوں نے جن138 ایک روزہ بین الاقوامی میچوں میں جنوبی افریقہ کی قیادت کی ان میں99 میچوں میں کامیابی ملی،35 میچوں میں شکست ہوئی ، ایک میچ ٹائی رہا جبکہ تین میچ غیر فیصلہ کن رہے۔ ان سے زیادہ ایک روزہ بین الاقوامی میچو ں میں جنوبی افریقہ کی قیادت صرف گریم اسمتھ نے کی ہے۔ انہوں نے149 ایک روزہ میچوں میں جنوبی افریقہ کی کپتانی کی ہے۔
دائیں اہتھ سے بلے بازی اور تیز بالنگ کرانے والے ہنسی کرونئے کو ویسٹ انڈیز کے خلاف برج ٹاون میں اپریل1992 میں پہلا ٹسٹ کھیلنے کا موقع ملا تھا جبکہ ہندوستان کے خلاف بنگلور میں مارچ2000 میں کھیلا گیا ٹسٹ میچ ان کا آخری تھا۔ انہیں جن68 ٹسٹ میچوں میں کھیلنے کا موقع ملا انکی111 اننگوں میں36.41 کی اوسط اور44.63 کے اسٹرائیک ریٹ کے ساتھ چھ سنچریوں اور23 نصف سنچریوں کی مدد سے 3714 رن بنائے تھے۔ وہ چھ مرتبہ اپنا کھاتہ نہیں کھول پائے تھے اور ان کا سب سے زیادہ اسکور135 رن رہا تھا جو انہوں نے ہندوستان کے خلاف دسمبر1992 میں پورٹ الزبتھ میں529 منٹ میں410 بالوں پر بارہ چوکوں اور ایکچ چھکے کی مدد سے بنایا تھا۔ اس ٹسٹ میچ میں جنوبی افریقہ نے نو وکٹ سے جیت اپنے نام کی تھی۔68 ٹسٹ میچوں کی85 اننگوں میں انہیں بالنگ کا موقع ملا تھا جس میں وہ633.2 اوور میں1288 رن دیکر29.95 کی اوسط اور88.37 کے اسٹرائیک ریٹ کے ساتھ43 کھلاڑیوں کو آوٹ کیا تھا۔ ایک اننگ میں انکی سب سے اچھی بالنگ کارکردگی7.5 اوور میں14 رن دیکر تین وکٹ انکی سب سے اچھی بالنگ کارکردگی ہے جو انہوں نے زمبابوے کے خلاف ہرارے میں نومبر1999 میں انجام دی تھی۔ اس میچ میں جنوبی افریقہ نے ایک اننگ اور 219 رن سے جیت اپنے نام کی تھی۔
ہنسی68 کرونئے نے جن 53 ٹسٹ میچوں میں جنوبی افریقہ کی قیادت کی اس میں 27 ٹسٹ میچوں میں کامیابی ملی۔ گیارہ ٹسٹ میچ جنوبی افریقہ انکی قیادت میں ہاری اور 15 ٹسٹ میچ کسی فیصلہ کے بغیر ختم ہوئے۔ وہ جنوبی افریقہ کے لئے دوسرے سب سے زیادہ ٹسٹ میچوں میں کپتانی کرنے والے کھلاڑی ہیں۔سب سے زیادہ ٹسٹ میچوں میں کپتانی گریم اسمتھ نے کی ہے ۔وہ108 ٹسٹ میچوں میں جنوبی افریقہ کے کپتان رہے ہیں۔
