پیرس (یو این آئی) ہندوستانی ٹیبل ٹینس اسٹار مانیکا بترا اور شریجا اکولا نے پیرس اولمپکس میں اتوار کو خواتین کے ٹیبل ٹینس مقابلے میں شاندار کارکردگی کا مظاہرہ کرتے ہوئے اپنے حریفوں کو شکست دے کر اگلے راؤنڈ میں جگہ بنالی۔ہندوستانی ٹیبل ٹینس اسٹار مانیکا بترا نے خواتین کے سنگلز زمرے میں برطانیہ کی اینا ہرسی کو 4-1 سے شکست دے کر دوسرے راؤنڈ میں رسائی حاصل کی۔آج یہاں مانیکا نے میچ میں پیچھے رہنے کے بعد شاندار واپسی کی اور میچ 11-8، 12-10، 11-9، 9-11، 11-5 سے جیت لیا۔ اس کے ساتھ وہی خاتون سنگلز کیٹیگری میں راؤنڈ آف 32 میں پہنچ گئی ہیں۔ وہ راؤنڈ آف 32 تک پہنچنے والی دوسری ہندوستانی خاتون بن گئی ہیں۔راؤنڈ آف 32 میں مانیکا بترا کا مقابلہ ہند نژاد فرانسیسی کھلاڑی پرتھیکا پاوڑے سے ہوگا۔اس سے قبل، ہندوستان کی ابھرتی ہوئی ٹیبل ٹینس اسٹار شریجا اکولا نے پیرس اولمپکس میں راؤنڈ آف 64 میں سویڈن کی کرسٹینا کالبرگ پر فتح درج کر کے اگلے راؤنڈ میں داخلہ حاصل کیا۔ شریجا نے جارحانہ آغاز کیا اور برتری حاصل کی۔ اس کے بعد اس نے پہلا گیم 11-4 سے، دوسرا گیم 9-11 سے، تیسرا گیم 11-7 سے جیتا اور آخری گیم 11-7 سے جیت کر اگلے راؤنڈ میں پہنچ گئی۔
