نئی دہلی:سیلم پور اسمبلی حلقہ کے تحت موج پور کے کرشنا مندر سناتن دھرم شالہ میں تین منزلہ عمارت کا سنگ بنیاد ممبر اسمبلی عبدالرحمن نے مقامی سرکرہ شخصیات کے ساتھ فیتہ کاٹ کر کیاجس سے مقامی لوگوں میں خوشی کی لہر دوڑ گئی۔اس موقع پر عبدالرحمن نے کہا کہ موج پور کا ایک خاص طبقہ برسوں سے سناتنی دھرم شالہ کی از سر نو کثیر منزلہ تعمیر کا مطالبہ کررہا تھا جس کا افتتاح کرنے سے مقامی لوگوں کادیرینہ مطالبہ پورا ہونے کی راہ ہموارہوگئی ہے ۔انہوں نے کہا کہ ہمارے دہلی کے وزیر اعلیٰ بلاتفریق مذہب و ملت ترقیاتی کام انجام دے کر دہلی کے علاوہ دوسرے صوبوں میں بھی ہر دل عزیز بنتے جارہے ہیں اور یہی وجہ ہے کہ وزیر اعلی کی جد و جہد اور کاوشوں کے نتیجے میں عام آدمی پارٹی نے قلیل مدت میں قومی درجہ حاصل کرلیا ہے جس کے نتیجے میں ہماری پارٹی کا پرچم پورے ملک میں لہرائے گا۔انہوں نے بتایا کہ اس دھرم شالہ کی تعمیر پر ایک کروڑ 36لاکھ روپئے کی لاگت آئے گی جس کی تعمیر کی رفتار کو مزید تیز کرنے کی ہدایت کردی گئی ہے۔اس موقع پر شاہ ویز خان،خالد محمود،چودھری سکھبیر ،عاصمہ رحمان انل گوڑ،نیرج کوشک، اختر صدیقی، کانتی پرساد،ارپنا سنگھ،ونود شرما،پروین وتس،مہندر شرما،پردیپ شرما،ہری بھگوان شرما،ارشد حسن،شاہد اخترعباس قریشی،حاجی سانو،پپو اورمحمد جاوید بھی موجود تھے۔
