ممبئی ،پریس ریلیز،ہماراسماج:ممبرا مہاراشٹر: جمعیۃ علماء ہند کسی تعارف کی محتاج نہیں۔ روزِ روشن کی طرح عیاں ہے کہ جمعیۃ ملک بھر میں دینی ملی سماجی خدمات میں ہمہ وقت سرگرم نظر آتی ہے۔ یہی وہ تنظیم ہے جس نے ہر مشکل میں مسلمانانِ ہند کی مدد کی ہے۔ یہاں تک کہ انگریز کے قبضے سے ہمارے وطن کو آزاد کرانے میں ہمارے اکابر نے اسی پلیٹ فارم سے کام کیا ہے جسکا فائدہ مسلم غیر مسلم سبھی کو نصیب ہوا۔ پھر اسکے بعد مذہب کے نام پر سازش کے تحت ملک کے بٹوارے کے خلاف بھی جمعیۃ علماء ہی کھڑی تھی، اور مسلمانوں کی صحیح رہبری کر رہی تھی۔ اب اس وقت جمعیۃ علماء کی ذمہ داری میں تین ہزار سے زائد سکول کالیجس ہیں، نوجوانوں کے بگاڑ کے دور میں انہیں صحیح فکر اور حرکت میں رکھنے کے لیے جمعیۃ یوتھ کلب کو قائم کیا گیا۔ نیز مدارس خانقاہوں درگاہوں کی حفاظت میں ایک خاص پہچان رکھتی ہے ۔ اسی طرح ذاتی بنگلہ کی طرح جگہ دیکر یتیم بچوں کی پرورش کرتی ہے۔ اور ایسی سیکڑوں خدمات ہیں جسکا احاطہ یہاں دشوار ہے۔ مولانا محمود دیوبندی، مولانا حسین احمد مدنی ، مولانا ابو الکلام آزاد ، مولانا حفظ الرحمن سیوہاروی ، مولانا عبد الباری فرنگی محلی وغیرہ حضرات اکابرین رحمہم اللہ سب اسی جماعت کے حصہ تھے۔ آج مولانا محمود مدنی اسکے صدر ہیں اور دار العلوم دیوبند کے اساتذہ کرام و دیگر اکابر علماء کرام بھی اسکے ممبر ہیں۔ مولانا انجینئر طلحہ میمن رکن مجلس منتظمہ جمعیۃ علماء مہاراشٹر نے بتایا کہ آج جمعیۃ علماء مہا راشٹر کے صدر مولانا حافظ محمد ندیم صدیقی صاحب کے حکم پر شہر ممبرا کوسہ میں جمعیۃ علماء ہند کی ممبرشپ مہم زوروشور سے جاری ہے۔الحمداللہ شہر ممبرا کوسہ کے شہریان بہت نیک دل ہیں، بہت بڑھ کر ممبرسازی میں حصہ لے رہے ہیں ۔ان کی خصوصیت ہے کہ وہ تنہا جمعیۃ علماء ہند کو اپنی قیادت مانتے ہیں اکابرین امت کے لیے بہت دعا گو تھے۔ مزید ممبرشپ سے متعلق یہ بھی بتایا کہ محض دس روپے خرچ کرکے مسلمان اسکے ممبر بن کر اپنے بڑوں کی آواز کو مضبوط کرتے ہیں جو ملک کی عوام کے حق میں نفرت پسند ظالم حکمرانوں کی پالیسیوں کے خلاف اٹھتی ہے اور مسائل حل کراتی ہے ساتھ ہی قوم کے مستقبل روشن کرنے میں مفید ثابت ہوتا ہے۔ مزید سہولت کی غرض سے ایک نمبر 8879512367 شائع کیا گیا ہے جسمیں آنلائن ممبرسازی سے متعلق مدد کی جائیگی۔ یوں تو ایک عرصے سے آنلائن بھی یہ سلسلہ ویبسائٹ کے ذریعے موجود ہے، اب با قاعدہ گوگل پلے سٹور پر JUH MEMBERSHIP DRIVE ایپلیکیشن موجود ہے جس سے آدمی ایک otp کے ذریعے ممبر بن سکتا ہے۔
