بلند شہر،سماج نیوز سروس: آج کلکٹریٹ آڈیٹوریم میں ڈسٹرکٹ ہیلتھ کمیٹی اور گورننگ باڈی کی ایک میٹنگ منعقد ہوئی۔ جس کی صدارت ڈسٹرکٹ مجسٹریٹ مسز شروتی نے کی۔جس میں ضلع مجسٹریٹ نے ڈلیوری کی تعداد میں اضافے کے لیے ہدایت دی کہ پرائیویٹ اسپتالوں کے مقابلے سرکاری اسپتالوں میں زیادہ سہولتیں فراہم کی جائیں، تاکہ سرکاری اسپتالوں میں زیادہ ڈلیوری ہوسکے اور عام لوگ ان خدمات سے فائدہ اٹھاسکیں۔ ضلع مجسٹریٹ نے زور دیتے ہوئے کہا کہ جنی تحفظ یوجنا کے تحت ڈلیوری کے بعد کی امداد کو فوری طور پر ڈی بی ٹی کے ذریعے منتقل کیا جائے۔ ضلع مجسٹریٹ نے یہ بھی زور دیا کہ سیزیرین ڈلیوری خدمات صرف سی ایچ سی میں ہی دستیاب کرائی جائیں۔ انہوں نے ہدایت دی کہ آشا کارکنان حاملہ خواتین کو غذائی عادات، ہیموگلوبن ٹیبلٹس اور حساسیت کی جانچ کے بارے میں معلومات اور مشورے فراہم کریںنیز پردھان منتری تحفظ ماترتواابھیان کے تحت سو فیصد حاملہ خواتین کی اسکریننگ کی جائے۔میٹنگ میں ضلع مجسٹریٹ نے ہدایت دی کہ صحت میلے، خون کے عطیہ کیمپ، آبھا شناختی کارڈ اور آیوشمان کارڈ کو سو فیصد مکمل کیا جائے۔ میٹنگ میں ضلع مجسٹریٹ مسز شروتی نے تمام سرکاری اسپتالوں کو ہدایت دی کہ وہ مریضوں کے لیے آن لائن پرچے بنائیں اور ہر پرچے پر مریض کا موبائل نمبر درج کریں۔ میٹنگ میں ضلع مجسٹریٹ نے تمام محکمانہ پورٹل پر ڈیٹا کو وقت پر اپ لوڈ کرنے کی ہدایات دیں، تاکہ ضلع کی رینکنگ بلند ی پر پہنچ سکے۔ اس موقع پر محکمہ صحت میں بہترین کام کرنے والوں کو ضلع مجسٹریٹ نے اعزاز سے بھی نوازا۔میٹنگ میں چیف میڈیکل آفیسر ڈاکٹر سنیل کمار دوہرے اور دیگر متعلقہ افسران موجود تھے۔
