تاریخی، شہرت یافتہ، قدیم اور معروف ادارہ مدرسہ اسلامیہ عربیہ ڈومری ضلع شیوہر کے سکریٹری و مبارک انسٹی ٹیوٹ آف ٹیکنالوجی اینڈ مینجمنٹ ڈومر ی ضلع شیوہر کے ڈائریکٹر ماہر تعلیم الحاج ڈاکٹر محمد شمس الحسن نے اپنے پریس ریلیز میں کہا کہ میرے چچازاد بھائی جناب محمد بدر الحسن مرحوم کے نواسہ اور راشٹریہ سہارا مظفرپور کے نمائندہ جناب شمس تبریز کے صاحبزادہ محمد تحسین شمس نے نیٹ کے مقابلہ جاتی امتحان 2023 میں 720 میں سے 676 نمبرات لاکر نمایاں کامیابی حاصل کی ہے ۔میں عزیزم کی اس شاندار اور بے مثال کامیابی پر دل کی گہرائیوں سے مبارکباد پیش کرتا ہوں، نیک خواہشات کا اظہار کرتا ہوں اور مستقبل میں اس سے بھی بڑی کامیابی کے لئے خداوند قدوس سے دعا گو ہوں۔ ڈاکٹر محمد شمس الحسن نے مزید کہا کہ تحسین شمس کا اس مشکل مقابلہ جاتی امتحان میں 720میں سے 676 نمبر حاصل کرنا ایک عظیم حصولیابی ہے۔محمد تحسین شمس کی یہ کامیابی واضح طور پر یہ پیغام دیتی ہے کہ اگر گھر، سماج اور ملکی سطح پر ناموری حاصل کرنی ہے تو اس کیلئے محکم عزم اور عمل پیہم کی راہ اختیار کرنی پڑے گی اور اس راہ میں آنے والے سخت مقامات کو اپنے بلند حوصلوں سے سر کرنا ہوگا۔زندگی میں کامیابی حاصل کرنے کا یہی وہ نسخہ ہے جسے استعمال کر کے نہ صرف تعلیم بلکہ دیگر شعبہ ہائے زندگی میں نمایاں کارکردگی انجام دی جاتی ہے ۔ عزیز موصوف نے نیٹ کے اس امتحان میں ملک گیر سطح پر جو امتیازی مقام حاصل کیا ہے وہ یقینا ایسی کامیابی ہے جسے بجا طور پر غیر معمولی کہا جا سکتا ہے، اس کامیابی سے یہ ثابت ہوتا ہے کہ اگر زندگی میں کچھ نمایاں کرنے کا عہد کر لیا جائے اور اس عہد کو سر کرنے کے لیے محکم عزم اور محنت کے ساتھ مسلسل کوشش کی جائے تو یہ کوشش کامیابی کی شکل اختیار کر لیتی ہے۔ اس بڑی کامیابی و کامرانی کے لیے محمد تحسین شمس اور اس کے والدین مبارکباد کے مستحق ہیں۔ ایسے مشکل امتحان میں ایسی شاندار کامیابی عزیز موصوف کی ذہانت کا پتہ دیتی ہے۔ بلکہ اس کے ارادے کی پختگی کو بھی نمایاں کرتی ہے۔ عزم اگر محکم ہو تو مقصد میں کامیابی یقینی ہے۔محمد تحسین شمس کی یہ کامیابی واضح طور پر یہ پیغام دیتی ہے کہ اگر گھر ،سماج اور ملکی سطح پر ناموری حاصل کرنی ہے تو اس کے لیے محکم عزم اور عمل پیہم کی راہ اختیار کرنی پڑے گی۔
