سید پرویز قیصر
ممبئی کے وانکھڑے اسٹیڈیم میں کھیلے گئے میچ میں ممبئی انڈینس نے چنئی سپر کنگس کو نو وکٹ سے شکست دی جو انڈین پریمیر لیگ میں اسکی چنئی سپر کنگس کے خلاف اس میدان پر مشترکہ طور پر سب سے بڑی اور کل ملاکر مشترکہ طور پر دوسری سب سے بڑی جیت تھی۔ اس میچ میں چنئی سپر کنگس نے پہلے بلے بازی کرتے ہوئے مقررہ20 اوور میں پانچ وکٹ پر 176 رن بنائے تھے۔ممبئی انڈینس نے15.4 اوور میں ایک وکٹ پر 177 رن بناکر میچ نو وکٹ سے جیت لیاتھا۔ ممبئی انڈینس کی یہ وانکھڑے اسٹیڈیم میں چنئی سپر کنگس کے خلاف تیرہ میچوں میں آٹھویں کامیابی تھی۔اس میدان پر لگاتار دو میچوں میں شکست کے بعد ممبئی انڈینس نے چنئی سپر کنگس کے خلاف جیت اپنے نام کی ہے۔ دونوں کے درمیان اس سیزن میں پہلا مقابلہ جو چنئی میں ہوا تھا اس میں چنئی سپر کنگس میں چار وکٹ سے کامیابی اپنے نام کی تھی۔
چنیی سپر کنگس کے خلاف ممبئی انڈینس کی وکٹوں کے حساب سے سب سے بڑی جیت دس وکٹ کی ہے جو اس نے شارجہ میں23 اکتوبر2020 کوحاصل کی تھی۔ اس میچ میں چنئی سپر کنگس نے مقررہ20 اوور میں نو وکٹ پر114 رن بنائے تھے۔ممبئی انڈینس نے کسی نقصان کے بغیر12.2 اوور میں116 رن بناکر میچ دس وکٹ سے جیتا تھا۔
ممبئی کے وانکھڑے اسٹیڈیم میں ممبئی انڈینس نے اس سے پہلے بھی چنئی سپر کنگس کو نو وکٹ سے شکست دی تھی۔ 14 مئی2008 کو ہوئے اس میچ میں چنئی سپر کنگس نے پہلے بلے بازی کرتے ہوئے مقررہ20 اوور میں چھ وکٹ پر 156 رن بنائے تھے۔ممبئی انڈینس نے13.5 اوور میں ایک وکٹ پر 158 رن بناکر میچ نو وکٹ سے جیتا تھا۔
ممبئی انڈینس نے ابھی تک دو مرتبہ دس وکٹ سے جیت حاصل کی ہے جبکہ چھ مرتبہ وہ نو وکٹ سے جیت اپنے نام کرنے میں کامیاب رہی ہے۔ ممبئی انڈینس نے انڈین پریمیر لیگ میں دس وکٹ سے پہلی جیت جے پورمیں20 مئی2012 کو راحستھان رائلز کے خلاف حاصل کی تھی۔ اس میچ میں راجستھان ڑائلز نے پہلے بلے بازی کرتے ہوئے20 اوور میں چھ وکٹ پر 162رن بنائے تھے۔ ممبئی انڈینس نے18 اوور میں کسی نقصان کے بغیر163 رن بناکر میچ دس وکٹ سے جیتا تھا۔
انڈین پریمیر لیگ میں ابھی تک پندرہ مرتبہ ایسا ہوا ہے جب کسی ٹیم نے دس وکٹ سے جیت اپنے نام کی ہے ۔ رائل چیلنجرس بنگلور نے چار مرتبہ بغیر کوئی وکٹ کھوئے جیت حاصل کی ہے جبکہ سن رائزرس حیدرآباد تین مرتبہ دس وکٹ سے میچ جیتنے میں کامیاب رہی ہے۔ ممبئی انڈینس کی طرح چنئی سپر کنگس نے دو مرتبہ دس وکٹ سے جیت اپنے نام کی ہے۔ دہلی کیپٹلس، راجستھان رائلز، پنجاب کنگس اور کولکاتہ نائیٹ رائیڈرس نے ایک ایک مرتبہ کوئی وکٹ گنوائے بغیر جیت حاصل کی ہے۔
چنئی سپر کنگس کو جو نو یا اس سے زیادہ وکٹ سے شکستیں ہوئی ہیں وہ سبھی ممبئی انڈینس کے خلاف ہوئی ہیں۔ ممبئی انڈینس کے علاوہ کوئی اوور ٹیم چنئی سپر کنگس کو نو یا اس سے زیادہ وکٹ سے شکست دینے میں کامیاب نہیں ہوئی ہے۔ اسے سات مرتبہ مختلف ٹیموں نے آٹھ وکٹ سے شکست دی ہے جس میں سے راجستھان رائلز اور کولکاتہ نائیٹ رائیڈرس نے اسے ددو۔و مرتبہ آٹھ وکٹ سے ہرایا ہے۔ دہلی کیپٹلس اور سن رائزرس حیدرآباد ، ممبئی انڈینس نے ایک۔ ایک مرتبہ چنئی سپر کنگس کے خلاف آٹھ وکٹ کی جیت حاصل کی ہے۔
