نیوہورائزن اسکول میں جوش، اتحاد اور قومی و سماجی خدمت کا مظاہرہ

نئی دہلی،سماج نیوز سروس: نیوہورائزن اسکول میں 77ویں یومِ جمہوریہ کا شاندار جشن 24 جنوری کو تزک و احتشام سے منایا گیا۔ جس کو سر سید سینئر اور جونیئر ہاؤس نے پیش کیا۔ پروگرام کا آغاز تلاوتِ قرآن سے ہوا۔ پرچم کشائی ورلڈ ایجوکیشن اینڈ ڈیولپمنٹ آرگنائزیشن (وی ڈو) کے صدر شبیہ احمدنے اسکول چیئرمین کمال فاروقی،منیجر پروفیسر محمد نقی اور پرنسپل سمیرا خان، اساتذہ اور طلبا کی موجودگی میں کی۔بعد ازاں ترانہئ ہندی، گارڈ آف آنر اور مارچ پاسٹ کے ساتھ ساتھ راشٹریہ گان پیش ہوئے۔ اس کے بعد اسکول کی جانب سے اسکول المنائی میٹ کو کامیابی کے ساتھ منعقد کیا گیا۔ 1996-2020 کے دوران اسکول سے فارغ سبھی المنائی نے شرکت کی۔ اس موقع پرپروفیسر محمد نقی نے اپنے خطاب میں کہا کہ یہ المنائی دنیا میں ہمارے اسکول کے بہترین نمائندے ہیں۔ اِن کو چاہیے کہ اس اسکول کی ترقی، فلاح و بہبود کے لیے زیادہ سے زیادہ کام سر انجام دیں۔ اسکول چیرمین کمال فاروقی نے سبھی کو مبارکباد دی اور ادارے کی مزید ترقی کا اظہار کرتے ہوئے آج کے دور کی اہم ضرورت نئے موضوع اے۔ آئی کے لیبز(Labs) کا اجرا کیا۔ صدر شبیہ احمد نے یومِ جمہوریہ کی اہمیت اور ہندوستان کی خوشحالی پر بات واضح کرتے ہوئے کہا کہ جس طرح ہمارا ملک ایک اکائی ہے اُسی طرح یہ اسکول بھی ایک اکائی ہے اور یہ تبھی ترقی کرے گا جب اُس کے طلبا آگے بڑھ کر اسکول کی ترقی، سماجی و قومی خدمت کے جذبے کے ساتھ آگے آئیں۔ بعد ازاں یونائیٹڈ وے کے ذریعے منتخب روڈ سیفٹی پروگرام کی فاتح طالبات کو منتظمہ ممبران کے ذریعے ایچ.پی.لیپ ٹاپ، سرٹیفکٹ اور ٹرافی اور دی گئیں۔ کامیاب طلبا کے والدین نے اس لمحے کو فخریہ کہتے ہوئے سبھی کا شکریہ ادا کیا اوراِس عالیشان کامیابی کو سبھی کی مجموعی کارکردگی کا ثمرہ بتایا۔ طلبہ نے اس ثقافتی پروگرام ’’انیکتا میں ایکتا‘‘ ، قومی یکجہتی اور وطن سے محبت کو رنگا رنگ پروگراموں سے اجاگر کیا۔دوسری جانب اسکول پرنسپل سمیرا خان نے سبھی المنائی کا استقبال کرتے ہوئے سماجی خدمت پر زور دیا۔جو آئندہ رہنمائی اور فلاح کے عزم کی علامت بنا۔اس کے بعد پروگرام کو آگے بڑھاتے ہوئے تقریباََ ایک بجے اسکولِ ھٰذا کے ذریعے منعقد ونٹر کارنیوال جوش و خروش سے شروع ہوا۔ سر سید سینئر اور جونیئر ہاؤس نے اسے منظم کیا۔ مقصدطلبا میں کمیونٹی یکجہتی اور عطیہ کرنے کا جذبہ پیدا کرنا تھا۔ طلبہ نے کھیل، کھانوں کے انسٹال، دستکاری اشیاء، ڈوریمون اور مکی ماؤس سے ماحول رنگین بنایا۔بچوں کی خصوصی دلچسپی بچوں کی ٹرین میں دکھائی دی۔ سبھی حاضرین نے انتظامات کی داد دی۔ وی ڈو صدر شبیہ احمد، اسکول چیئرمین کمال فاروقی، مینیجر محمد نقی نے اسکول پرنسپل سمیرا خان اور اساتذہ کی کاوشوں کو سراہا۔ اِس طرح یہ ونٹر کارنیوال پروگرام طلبا و طالبات میں تفریح، کمیونٹی یکجہتی اور عطیہ کرنے کا جذبے کے ساتھ ہم آہنگی کو فروغ دیتا رہا۔ اس طرح نیوہورائزن کی تاریخ میں آج کا دن بچوں کے لیے یادگار دن بن گیا۔