سید پرویز قیصر
نکولس پورن نڈین پریمیر لیگ میں اپنے میچوں کی سنچری مکمل کرنے میں کامیاب ہوگئے ہیں۔ بائیں ہاتھ کے بلے باز اور دائیں ہاتھ کے آف اسپنر نے اپنا سواں میچ لکھنو سپر جائنٹس کی جانب سے رائل چیلنجرس بنگلورو کے خلاف لکھنو میں کھیلا۔ وہ انڈین پریمیر لیگ میں سو میچ کھیلنے والے ویسٹ انڈیز سے تعلق رکھنے والے چھٹے اور کل ملاکر76 ویں کھلاڑی ہیں۔
نکولس پورن نے انڈین پریمیر لیگ میں اپنا پہلا میچ جے پور میں25 مارچ2019 کو پنجاب کنگس کی جانب سے راجستھان رائلز کے خلاف کھیلا تھا۔ انہوں نے تب سے اب تک پنجاب کنگس، لکھنو سپر جائنٹس اور سن رائزرس حیدرآباد کیلئے جو س میچ کھیلے ہیں انکی97 اننگوں میں32.15 کی اوسط اور164.84 کے اسٹرائیک ریٹ کے ساتھ پندرہ سنچریوں کی مدد سے 2476 رن بنائے ہیں۔ وہ نو مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر87 رن ہے جو انہوں نے لکھنو سپر جائنٹس کی جانب سے کولکاتہ نائیٹ رائیٖڈرس کے خلاف کولکاتہ میں8 اپریل2025 کو49 منٹ میں36 بالوں پر سات چوکوں اور آٹھ چھکوں کی مدد سے بنایا تھا۔ اس میچ میں انکی ٹیم چار رن سے کامیاب رہی تھی۔
نکولس پورن کی موجودگی میں انکی ٹیموں کو43 میچوں میں کامیابی ملی ہے جن کی41 اننگوں میں وہ48.08 کی اوسط اور181.02 کے اسزٹرائیک ریٹ کے ساتھ آٹھ نصف سنچریوں کی مدد سے1202 رن بنانے میں کامیاب رہے ہیں۔ وہ دو مرتبہ صفر کا شکار ہوئے ہیں اور ان کا سب سے زیادہ اسکور آوٹ ہوئے بغیر87 رن رہا ہے۔ انکے ٹیم میں رہتے انکی ٹیموں کو جن53 میچوں میں شکست ہوئی ہے انکی52 اننگوں میں انہوں نے25.43 کی اوسط اور156.53 کے اسٹرائیک ریٹ کے ساتھ سات نصف سنچریوں کی مدد سے1221 رن بنائے ہیں۔ وہ چھ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور77 رن ہے جو انہوں نے پنجاب کنگس کی جانب سے کھیلتے ہوئے سن رائزرس حیدرآباد کے خلاف دوبئی میں8 اکتوبر2020 کو37 بالوں پر پانچ چوکوں اور سات چھکوں کی مدد سے بنایا تھا۔ اس میچ میں انکی ٹیم کو69 رن سے شکست ہوئی تھی۔ تین ٹائی میچوں میں وہ33 رن اور ایک نامکمل میچ میں20 رن بنانے میں کامیاب رہے ہیں۔
انڈین پریمیر لیگ میں سب سے زیادہ میچ کھیلنے کا اعزاز ہندوستان سے تعلق رکھنے والے مہندر سنگھ دھونی کے پاس ہے جنہوں نے چنئی سپر کنگس اور رائسنگ پونہ سوپر جائنٹس کی جانب سے2008 سے اب تک278 میچ کھیلے ہیں۔ ان کا یہ ریکارڈ جلد ہی ٹوٹ جائے گا کیونکہ روہت شرما اور وراٹ کوہلی نے 277۔ 277 میچ کھیلے ہیں ۔ یہ دونوں کھلاڑی جب اپنا اگلا میچ کھیلے گے تو مہندر سنگھ دھونی کا ریکارڈ برابر کردیں گے اور اسکے میچ دونوں انڈین پریمیر لیگ میں سب سے زیادہ میچ کھیلنے والے کھلاڑی بن جائیں گے۔ زخمی ہونے کی وجہ سے مہندر سنگھ دھوں فی الحال انڈین پریمیر لیگ میں شرکت نہیں کررہے ہیں۔
ویسٹ انڈیز سے تعلق رکھنے والے جس کھلاڑی کو انڈین پریمیر لیگ میں سب سے زیادہ میچ کھیلنے کا اعزاز حاصل ہے وہ سنیل نارائین ہیں جنہوں نے2012 سے اب تک کولکاتہ نائیٹ رائیدڑس کیلئے 197 میچوں میں شرکت کی ہے۔کیرون پولارڈ نے 2010 اور2022 کے درمیان ممبئی انڈینس کیلئے189 میچ کھیلے ہیں۔ ڈیون براوو نے چنئی سپر کنگس ، گجرات لائنتس اور ممبئی انڈینس کیلئے2008 اور 2022 کے درمیان161 میچوں میں نمائندگی کی ہے۔ کریس گیل نے2009 اور2021 کے درمیان پنجاب کنگس، کولکاتہ نائیٹ رائیڈرس اور رائل چیلنجرس بنگلورو کے لئے142 میچ کھیلے ہیں۔آندرے رسل نے2012 اور2025 کے درمیان دہلی کیپٹلس اور کولکاتہ نائیٹ رائیڈرس کے لئے140 میچوں میں شرکت کی ہے۔
