ملک کے اہل علم طبقے کی نظر میں آج بہار کی ترقی اور وزیر اعلیٰ نتیش کمار کا کام اور انکا منصفانہ عمل موضوع بحث بنتا ہے۔ جب سے وزیر اعلیٰ نتیش کمار نے صوبہ کی باگ ڈور سمبھالی ہے تب سے ہی بہار کے ہر علاقے میں ترقی کی سماع روشن کی ہے۔ ایک منفرد انداز میں نتیش کمار نے ریاست کی خوشحالی اور ترقی کے لئے لگاتار کیا ہے۔ یہ کہنا ہے جےڈی یو کے ریاستی جنرل سکریٹری میجر اقبال حیدر خان کا۔ انہوں نے کہا کی بہار جیسے پچھڑے صوبہ کو قومی دھارے کا حصہ بنانے کے لئے وزیر اعلیٰ خاموشی کے ساتھ لگاتار کام کرتے رہے ہیں۔ نتیش کمار کی بہترین کارکردگی بی جے پی کو کھٹکتی ہے یہی سبب ہے کہ مرکزی حکومت ان سے گھبراتی ہے۔ ایک عرصہ سے بہار کو خصوصی ریاست کا درجہ دینے کا مطالبہ وزیر اعلیٰ اور ریاست کے عوام کی جانب سے کی جارہی ہے لیکن مرکزی حکومت اس سلسلے میں کوئی پیش قدمی تو دور اس پر بات تک کرنا ضروری نہیں سمجھتی ہے۔ انہوں نے کہا کی مرکزی حکومت کے ایجنڈے میں بہار کی ترقی ہے ہی نہیں، اسلئے خصوصی ریاست کا درجہ دینے کی مانگ انکے لئے کوئی مدّعہ نہیں ہے۔ انکا کہنا ہے کہ ناگفتبہ حالات میں بھی وزیر اعلیٰ نے بہار میں سڑکوں کا جال بچھایا۔ اپنے وعدہ کے مطابق ہر گاؤں میں بجلی پہنچایا۔ لاء اینڈ اوڈر کو درست کیا۔ تعلیمی نظام جو درہم برہم ہو کر رہ گیا تھا۔ وزیر اعلیٰ نے اسے نہ صرف درست کیا بلکہ عام لوگوں میں تعلیم حاصل کرنے کے تئیں بیداری پیدا کی۔ سائیکل اور پوشاک منصوبے سے اسکولوں میں غریب بچوں کا آنا یقینی بنایا۔ طلبا و طالبات کے لئے وظیفہ مقرر کیا۔ انہیں حوصلہ افزائی اسکیم سے جوڑا۔ بہار میں نوکری کو لیکر لوگ ترستے تھے۔ وزیر اعلیٰ نتیش کمار نے نوکری کا ایسا رکارڈ بنایا ہے جس کی کوئی دوسری مثال نہیں ہے۔ حال میں ایک دن میں ایک لاکھ 20 ہزار سے زیادہ ٹیچروں کو تقرری نامہ دیا گیا۔ اس کے علاوہ اور بھی نوکریاں لوگوں کو ملنے والی ہے۔ جےڈی یو کے ریاستی جنرل سکریٹری میجر اقبال حیدر خان کا کہنا ہے کہ سڑکیں، بجلی اور لاء اینڈ اوڈر کے بہتر ہونے سے صوبہ میں روزگار بڑھا۔ انکا کہنا ہے کہ حکومت نہ صرف سماج کے کمزور طبقہ، دلت، کسان، مزدور، نوجوان، خواتین، اقلیت کے لئے کام کیا ہے بلکہ ہر علاقے کو ترقیاتی کام سے جوڑنے کا انوکھا مثال قائم کیا ہے۔ انکا کہنا ہے کہ نتیش کمار نے لوگوں کے گھروں میں پانی پہنچایا، کسان بہتر طریقہ سے اپنی کھیتی کر سکیں اس کا انتظام کیا۔ سبسڈی کے ساتھ قرض اسکیم کے تحت نوجوانوں کو خود کفیل بنانے کی کوشش کی جا رہی ہے۔ انہوں نے کہا کی ووٹ کی سیاست بی جے پی کرتی ہے اور غیر ضروری مدعوں کو اٹھا کر نفرت کا ماحول کھڑا کرنا انکا مقصد ہوتا ہے۔ جبکہ وزیر اعلیٰ نتیش کمار بھائی چارہ، امن و سکون اور کام میں یقین رکھتے ہیں۔ انکا کہنا ہے کہ بہار میں ذات پر مبنی مردم شماری اور ریزرویشن کا دائرہ بڑھانے سے بھی ریاست کے سبھی کمزور طبقے کو غیر معمولی فائدہ ہوگا۔ ظاہر ہے فلاح و بہبود کے اس انوکھے کام سے مرکزی حکومت ڈری ہوئی ہے۔ منفرد شخصیت کے حامل وزیر اعلیٰ نتیش کمار ایک ایسے قائد ہیں جن پر پورے بہار اور ملک کو ناز ہونے کے ساتھ ساتھ مکمل اعتماد ہے۔
