منہاج احمد
نئی دہلی،سماج نیوزسروس: اب دہلی ہوگی صاف مہم آج سے شروع ہوئی میئر شیلی اوبرائے نے کہا کہ ’اب دہلی ہوگی صاف‘ مہم آج سے شروع ہے، میئر نے لوگوں سے شرکت کی اپیل کی’اب دہلی ہو گی صاف‘مہم آج سے شروع ہوگیاہے۔حکمراں عام آدمی پارٹی نے قومی راجدھانی دہلی کی صفائی کو لے کر بدھ سے ایم سی ڈی میں پد یاترا شروع کی ہے۔ ’آپ‘ لیڈروں نے ‘اب دہلی ہو گی صاف‘ مہم کے تحت پد یاترا شروع کی ہے۔ پد یاترا کے پہلے دن چاندنی چوک علاقے کی میئر شیلی اوبرائے، آپ کے ایم سی ڈی انچارج درگیش پاٹھک، علاقے کے ایم ایل ایز اور کونسلروں نے مہم میں حصہ لیا۔ آپ کے ان لیڈروں نے عوامی رابطہ کے دوران لوگوں سے بات کی اور سبھی سے اس مہم میں شامل ہونے کی اپیل کی۔اے اے پی کے ایم سی ڈی انچارج درگیش پاٹھک نے کہا کہ جب دہلی میں ہماری حکومت بنی تھی تو ہم نے نعرہ دیا تھا ’دلی صاف ہوگی‘۔ گزشتہ 8 ماہ میں ہم نے 55 ہزار سے زائد شکایات کا ازالہ کیا ہے۔ ایم سی ڈی کے اہلکاروں کو ان کی ضرورت کے مطابق وسائل فراہم کرنے کے لیے کام کیا۔ ہماری حکومت کا ایک ہی مقصد ہے۔ انہوں نے کہا کہ دہلی جو گزشتہ 15 سالوں میں گندگی کے ڈھیر میں تبدیل ہو گئی تھی، اسے صاف کیا جانا چاہیے۔ اب دہلی پوری طرح سے صاف ہو جائے گا۔ ہم آج سے جو مہم شروع کر رہے ہیں وہ دہلی کو صاف ستھرا رکھنے کے لیے ہے۔ یہ مہم 50 دن تک جاری رہے گی۔ اس کی قیادت ہماری میئر شیلی اوبرائے اور ڈپٹی میئر سمیت اعلیٰ حکام کر رہے ہیں۔ایم سی ڈی کی میئر شیلی اوبرائے نے کہا کہ دہلی کا سب سے نازک علاقہ چاندنی چوک ہے۔ ہم نے اپنی مہم یہاں سے شروع کی ہے۔ یہاں کے لوگ ہمیشہ صفائی کے حوالے سے شکایت کرتے رہے ہیں۔ اگر ہمیں کسی قسم کی شکایت ملتی ہے تو ہم اسے موقع پر حل کریں گے۔ یہاں کے ایم ایل اے اور کونسلر گراؤنڈ زیرو پر جا کر اس مہم کا آغاز کرنے جا رہے ہیں۔ یہ پوری مہم مارچ کے پہلے ہفتے تک چلے گی۔پوری دہلی کے صفائی کے نظام کو بہتر بنایا جائے گا اور میں دہلی کے لوگوں سے درخواست کر رہا ہوں کہ ہم گراؤنڈ زیرو پر پہنچ چکے ہیں اور دہلی کو صاف رکھنا ہے۔ بحیثیت عوامی نمائندے یہ ہماری ذمہ داری ہے کہ ہم یہ کام کریں لیکن اس مہم کو کامیاب بنانے کے لیے ہمیں عوام کے تعاون کی بھی ضرورت ہے۔
