انجمن ترقی اردو،ویشالی کے زیر اہتمام اردو کانفرنس کے موقع پرتعلیمی میدان میں گراں قدر خدمات کے اعتراف میں اہم شخصیات کو اعزاز سے نوازہ گیا

انجمن ترقی اردو،ویشالی کے زیر اہتمام اردو کانفرنس کے موقع پرتعلیمی میدان میں گراں قدر خدمات کے اعتراف میں اہم شخصیات کو اعزاز سے نوازہ گیا
اردو اکیڈمی،اردو مشاورتی بورڈ، وزیر اعظم 15 نکاتی نفاذ کمیٹی تشکیل دینے کے لئے حکومت سے مطالبہ
پٹنہ،2023-11-15
محمد انور، آفس سکریٹری انجمن ترقی اردوبہار نے پریس بیان جاری کر کہا ہے کہ گزشتہ دنوں انحمن ترقی اردو ویشالی کے زیر اہتمام انجمن فلاح المسلمین ویشالی کے احاطے میں اردو کانفرنس منعقد ہوئی جس کی صدارت جناب عبدالقیوم انصاری نے فرمائی صدارتی خطبہ میں جناب عبدالقیوم انصاری، سکریٹری انجمن ترقی اردو بہار نیکہا کہ انجمن کی کوششوںسے ہی بہار میں اردوبھون کی تعمیر جناب چندرشیکھر سنکھ وزیراعلی کے دور حکومت میں ہوئی، اور اردو کو دوسری سرکری زبان کا درجہ ڈاکٹر جگن ناتھ مشرا کی درو حکومت میں ملا۔ اس کے نتیجے میں پورے بہار میں اردومترجمین، نائب مترجمین کی بحالی ہوئی۔ اردو روزگا ر سے جڑ گئی۔ آج بہار میں اردو کی ترویج و اشاعت کیلئے تیزی سے کام ہورہے ہیں۔۔ انہوں نے کہا کہ حکومت بہار اردو کے فروغ کے لئے پابند عہد ہے۔ آج اردو ڈائرکٹوریٹ بہت ہی بہتر ڈھنگ سے کام کررہا ہے۔ اس کے علاوہ بہار اردو اکیڈمی، انجمن ترقی اردو (بہار)، اردو مشاورتی بورڈ اردو کی ترقی کیلئے قائم کئے گئے ہیں۔جناب نتیش کمار، وزیر اعلیٰ بہار نے ہر اسکول میں لازمی طور پر ایک اردو ٹیچر بحال کئے جانے کا فیصلہ کیا ہے۔ اس کے تحت 70ہزار پرائمری و مڈل، سکنڈری و انٹر اسکولوںمیں 35ہزار  اردو اساتذہ کی تقرری جناب نتیش کمار کے دور حکومت میں ہوئی۔۔حال کے دنوںمیں جناب نتیش کمار وزیر اعلیٰ بہار نے ایک لاکھ 20ہزار اساتذہ کی تقرری بی پی ایس سی کے ذریعہ کیا گیا ہے۔ اس میں 9556اردو اساتذہ کی تقرری ہوئی ہے۔ ابھی حال ہی میں پرائمری اسکولوں میں بحالی کیلئے ڈی ایل ایڈ اور ہائی اسکولوں و ہائر سکنڈری اسکولوں میں بحالی کیلئے بی ایڈ کی شرط رکھی گئی ہے۔اس کے وجہ کر اردو کی بہت ساری جگہیں خالی رہ گئی ہیں، ضرورت اس بات کی ہے کہ اردو طلبا و طالبات آن لائن ڈی ایل ایڈ اور بی ایڈ میں داخلہ کیلئے اپلائی کریںاور اس کے ذریعہ ٹریننگ حاصل کریں،تبھی پرائمری اور سکنڈری اسکولوںمیں تقرری ہوسکتی ہے، اس کیلئے پوریبہار میں تحریک چلانیکی ضرورت ہے۔ عبدالقیوم انصاری نے کانفرنس میں موجود طلبا و طالبات سے خطاب کرتے ہوئے کہا کہ آپ ابھی سے ہی ایسی تیاری کریں اور ایسی ڈگریوںکو حاصل کریں جس سے ملازمت پانا آسان ہو۔ ہم چاہتے ہیں کہ ہمارے زیادہ سے زیادہ بچے سرکاری ملازمت میں بحال ہوں۔عبدالقیوم انصاری چیئرمین کے دوراقتدار میں مدارس میں دینی کتابوںکے ساتھ ایس سی ای آر ٹی اور این سی ای آر ٹی نصاب تعلیم کو نافذکیا گیا ہے۔انہوں نے حکومت سے مطالبہ کیا کہ اردو اکیڈمی، اردو مشاورتی بورڈ اور وزیر اعظم 15نکاتی کمیٹی جلد اس جلد تشکیل دی جائے۔ اس اردو کانفرنس کا مقصد اردو کیتئیں لوگوںکو بیدار کرنا ہے۔ جب تک ہم اردو کو نہیں جانیں گے، ہم قرآن اور حدیث کونہیں سمجھ سکتے۔ لہذا ہم دیگر زبانوں کے ساتھ اردو کیذریعہ تعلیم حاصل کریںاور آگے بڑھیں۔اس اردو کانفرنس میں جناب ارشد فیروز چیئرمین گورنمنٹ اردو لائبریری پٹنہ  نے اپنے خطاب میں کہا کہ اردو کو فروغ دینے میں صرف مسلمانوں کا نہیں بلکہ غیر مسلم حضرات کا بھی بہت اہم رول نمایا ں کردار رہا ہے انہیں فراموش نہیں کیا جا سکتا۔ جناب امتیاز احمد کریمی رکن بہار پبلک سروس کمیشن نے عوام  سے خطاب کرتے ہوئے کہا کہ بی پی ایس سی کے ذریعہ بحال ہوئے اساتذہ کو مبارکباد پیش کرتے ہوئے ڈاٹا پیش کرتے ہوئے بتایا کہ عربی کی سیٹ کثیر تعداد میں موجود کے باوجود ایک بھی طالب علم کا درخواست نہیں دستیاب ہوا فارسی سے 205 کے عوض صرف پانچ درخواست دستیاب ہوئی سبھی پانچ طالب علم پاس کر گئے یہ سٹیٹ کا معاملہ تھا اسلئے اپنے بچوں کواردو کی تعلیم دیں، جناب پروفیسر غلام غوث رکن بہار قانون ساز کونسل نے کہا کہ بہار میں 13 ضلع میں اقلیتی اسکول کا قیام عمل میں لایا جائے گا انشائاللہ میں اس کو یقینی بناؤں گا اردو صرف مسلمانوں کی نہیں بلکہ تمام ہندوستانیوں کی مشترکہ زبان ہے یہ ہندوستان میں ہی پیدا ہوئی پلی بڑھی اور پروان چڑھی اسے کسی خاص مذہب یا طبقہ کے قید میں رکھنا لامحدود کر دینا قطعی درست نہیں اور انجمن ترقی اردو کی جانب سے تعلیمی میدان میں گرا ں قدر خدمات کے اعتراف میں حضرت مولانا افتاب عالم مفتاحی  رحمت اللہ علیہ ایوارڈ سے مندر ذیل اشخاص کو سرفراز کیا گیا جن میں ڈاکٹر حسیب الرحمن صاحب ڈاکٹر محمد جمال انصاری صاحب جناب محمد امجد صاحب جناب محمد عابد حسین صاحب مہنار جناب ڈاکٹر محمد کلیم اشرف مہنار اردو سبجیکٹ میں نیٹ امتحان میں پورے بہار میں اول مقام حاصل کرنے پر محمد صلاح الدین کو مولانا افتاب عالم مفتاحی رحمت اللہ علیہ ایوارڈ سے مہمانوں کے دست مبارک سے سرفراز کیا گیا اور انجمن ترقی اردو ویشالی کے صدر نیاز احمد قاسمی و سیکریٹی ندیم اختر خان کو بھی اردو خدمات و اردو  فروغ کے سلسلے میں ایوارڈ سے نوازا گیا اور دیگر مہمانوں کی حوصلہ افزائی کی گئی ایوارڈ میں مومنٹو اور توصیفی سند سے نوازا گیا اخر میں محبان اردو کا شکریہ مولا نیاز احمد قاسمی نے فرمائی اور کمیٹی کے رکن جناب امان اللہ خان جناب اعزاز احمد جناب محفوظ عالم جناب افروز عالم جناب عبدالقادر جناب محمد انتخاب جناب محمد مجاہد ایڈوکیٹ  اور لوگوں کا شکریہ ادا کیا اور پروگرام کو کامیاب بنانے میں پیش پیش رہے۔کانفرنس کا آغاز نوشاد عالم نے تلاوت کلام پاک سے کیا،خطبہ استقبالیہ ندیم اختر، سکریٹری انجمن ترقی اردو ویشالی نے کی، نظامت جناب مولانا نیاز احمد قاسمی نے کی۔ اس کانفرنس کی سرپرستی جناب سرفرازعرف ببو واڈ پارشد نے کی۔  جناب ریحان قادی کی لکھی ہوئی کتاب (خوشبؤریحان)کا اس موقع پر اجراء کیا گیا۔