رام پور، وزیر اعلی کی اجتماعی شادی اسکیم کے تحت شہر کے آغا پور روڈ پر واقع گیت گووند ریزورٹ میں آج06 اورکل 7 فروری کو 990 جوڑوں کی شادیاں کرائی جائیں گی۔ضلع سماجی بہبود افسر پردیپ کمار ویمل نے کہا کہ حکومت کی ہدایات پر مقرر کردہ اہلیت کے مطابق ریاستی حکومت کی انتہائی مہتواکانکشی چیف منسٹر گروپ میرج اسکیم کے تحت مختلف ترقیاتی بلاکس اور بلدیاتی علاقوں سے موصولہ درخواستوں کے مطابق ضلع کی موجودہ صورتحال کے مطابق آج06 فروری کو 489 جوڑوں کی شادیاں اور کل07 فروری کو 501 جوڑوں کی شادیاں ہوں گی۔انہوں نے بتایا کہ موصول ہونے والی درخواستوں کی تعداد میں کمی یا اضافہ بھی ممکن ہے۔06 فروری کو طے شدہ 489 جوڑوں میں سے ترقیاتی بلاک ملک کے 145، ترقیاتی بلاک سوارکے 118، ترقیاتی بلاک سید نگر کے 93، ترقیاتی بلاک چمروہ کے 98، نگر پنچایت شاہ آبادکے 20، پالیکا بلاس پور کے 02 جوڑے اور میونسپل سوار کے 13 جوڑوں پر مشتمل ہے۔
دوسری جانب 07 فروری کو جن 501 جوڑوں کی شناخت کی گئی ان میں بلاک شاہ آبادمیں 86، بلاک بلاس پور میں 59، میونسپل کونسل ٹانڈہ میں 157، بلدیہ رام پور میں 169 اور بلدیہ ملک میں 30 جوڑے شامل ہیں۔بتایا کہ ہر جوڑے کا ازدواجی پروگرام اس کے مذہبی عقیدے کے مطابق منعقد کیا جائے گا۔گروپ میرج کے تحت طے شدہ مالی فائدہ ضابطے کے مطابق نوبیاہتا جوڑے کے بینک اکاؤنٹ میں بھیج دیا جائے گا۔وزیراعلیٰ اجتماعی شادی اسکیم کے تحت ہر جوڑے پر 51 ہزار روپے خرچ کرنے کا انتظام کیا گیا ہے جس میں 35 ہزار روپے نوبیاہتا جوڑے کے بینک اکاؤنٹ میں بھیجے جاتے ہیں۔10 ہزار روپے روزمرہ استعمال کی مختلف اشیاءکے لئے فراہم کئے جاتے ہیں اور 6 ہزار روپے تقریب کے انعقادپرخرچ کئے جاتے ہیں۔
