دیوبند ،سماج نیوز سروس: نواب عظمت علی خان گرلز انٹر کالج مظفّر نگر نے اپنی گزشتہ روایت کو برقرار رکھتے ہوئے 100فیصد رزلٹ کے ساتھ ضلع میں اپنا شاندار مقام درج کرایا ۔ہائی اسکول کی طالبہ عائشہ پروین نے %90 نمبر حاصل کر کے اسکول میں پہلا مقام حاصل کیا عائشہ نے سبھی مضامین میں %90 نمبر حاصل کیے اور تمام مضامین میں بہترین کامیابی حاصل کر کے اسکول کا نام روشن کیا جو واقعی قابل فخر قابل مبارکباد ہے اسکے علاوہ اسکول کی ٹاپ ٹین طالبات عائشہ بنت غیورحسن، الایکہ بنت سرتاج عالم،بشرا ظہیر بنت ظہیر،عافیہ حسین بنت حسین احمد،اقرا ریاست بنت ریاست علی،عرشی رانی بنت امیر عالم،منشا بنت مرسلین،نائلہ عثمانی بنت شباب نظم،انایا بنت سلیم احمد اور علی فاطمہ بنت آصف حسن نے اپنا نام درج کرایا۔ہائی اسکول کی تمام طالبات نے اپنی قابلیت کا شاندار مظاہرہ کرتے ہوئے کل ملاکر 1509ڈسٹینکشن حاصل کی۔ اس سال ہائی اسکولب میں کل 510 طالبات نے شرکت کی اور تمام طالبات نے فرسٹ ڈویژن حاصل کر کے اپنی گزشتہ سال کی کامیابی کو قائم رکھا۔اسکے علاوہ گزشتہ سالوں کی طرح نواب عظمت علی خان گرلز انٹر کالج کے انٹر میڈیٹ کا نتیجہ بھی شاندار رہا، 402 طالبات نے امتحان میں شرکت کی تمام طالبات نے فرسٹ ڈویژن سے کامیابی حاصل کی اور انٹرمیڈیٹ میں 1213 ڈسٹینکشن حاصل کر کے کالج اور والدین کا نام روشن کیا التشا رانا بنت اعجاز رانا نے%84.40 نمبرات کے ساتھ سبھی مضامین میں ڈسٹنکشن حاصل کر کے کالج ٹاپ کیا اس کے علاوہ کالج کے انٹر میڈیٹ کی ٹاپ ٹین میں مصباح بنت مزمل ، سمعیہ خاتون بنت گلفام علی، آمنہ انور بنت نایاب انور، زویا کاظمی بنت مبین ، عافیہ رحمان، عاتکہ بنت سکندر، عالیہ رانی بنت منیر عالم، مسکان بنت محمد اکرام،اقرا بنت محمد عمر دراز اور اقصیٰ بنت خورشید شامل ہیں۔اس موقع پر کالج کی پرنسپل صفیہ رئیس نے کہا کہ کسی قوم کے عروج اور ترقی میں تعلیم بنیادی کردار ادا کرتی ہے کسی قوم کے روشن مستقبل کا اندازہ اس کی معیاری تعلیم سے لگایا جا سکتا ہے، لہٰذا آج ہماری طالبات نے معیاری رزلٹ دیکر اس بات کو ثابت کر دیا کہ ہماری بیٹیاں ضلع میں کسی سے کم نہیں ہیں۔اس موقع پر عالمی شہرت یافتہ شاعر، ماہر تعلیم اور کالج کے مینیجر ڈاکٹر نواز دیوبندی نے کہا کہ ہمارے ہندی میڈیم اور انگلش میڈیم کالج میں ہزاروں بیٹیاں تعلیم حاصل کر رہی ہیں اور تقریباً 21 سالوں سے مسلسل کالج کارزلٹ معیاری ہونے کے ساتھ ساتھ 100 فیصد رہتا ہے، کالج کے رزلٹ کیلئے تمام طالبات اُنکے والدین، کالج کی پرنسپل اور اسٹاف کو مبارکباد دیتے ہوئے انہوں نے کہا کہ نسلوں کو تعلیم یافتہ بنانے کے لیے اپنی بیٹیوں کو اعلیٰ تعلیم کے زیور سے آراستہ کرنا ہو گا۔
