نئی دہلی،22؍جون، : ہمارا سماج :جامعہ نگر کوارڈینیشن کمیٹی اور مقامی ذمہ دار حضرات کے تعاون سے جامعہ نگر اوکھلا علاقے میں بڑھتے جرائم کے خلاف ایک پر امن بیداری مارچ نکالا گیا جو ذاکر نگر ڈھلان سے شروع ہوکر ذاکر نگر مین روڈ بٹلہ ہاؤس مارکیٹ سے خلیل اللہ مسجد سے نفیس روڈ پہلوان چوک مسجد النور ہوتے ہوئے بٹلہ ہاؤس چوک پر ختم ہوا، علاقہ کو نشہ اور جرائم سے پاک کرنے کے لئے مہم کے طور پر بیداری مارچ میں حصہ لینے والوں میں جامعہ نگر کوارڈینشنکمیٹی کے کنوینر عرفان اللہ خان، ڈاکٹر انوار الاسلام، مولانا عبدالرحمن عابد ، عبدالغفار خان ، ڈاکٹر تاجدالدین انصاری، کمال احمد ، منصور احمد ، نوشاد احمد ، محمد آصف آر ڈبلیو اے ابوالفضلسے سابق ممبر اسمبلی آصف محمد خان اور شعیب دانش کونسلر نے بٹلہ ہاؤس مارکیٹ میں جلوس کا استقبال کیا ، فیصل خان، احمد صاحب , افضل انصاری، ساجد انس ، عبدالواجد منا ، ابرار مکی ، عظیم اختر وغیرہ کے علاوہ علاقہ کے نوجوانوں اور خواتین کی متعدد ٹیموں نے پورے جوش و خروش کے ساتھ حصہ لیا ، کنوینر جامعہ نگر کوارڈینیشن کمیٹی عرفان اللہ خان نے مارچ کے مقصد اور اہمیت پر روشنی ڈالتے ہوے کہا کہ یہ مارچ علاقہ میں پھیلتی ہوئی نشہ کی لعنت کے خلاف اور علاقہ میں بڑھتے ہوئے کرائم کے خلاف عوام میں بیداری پیدا کرنے کے لیے ایک مہم کا آغاز ہے علاقہ کو پرامن بنانے کے لئے یہ پہلا قدم ہے اور چونکہ جامعہ نگر علاقہ ایک طرح سے مینی ہندوستان کہا جاتا ہے یہاں ملک کے ہر خطے سے لوگ آ کر بستے ہیں اگر آپ چاہتے ہیں کہ آپ کے بچے کرائم سے محفوظ رہیں اور اچھی تعلیم حاصل کرکے خوب ترقی کریں تو آپ کو اپنے گھروں سے باہر نکلنا ہوگا اجتماعی کاموں میں اپنی ذمہ داری کو ایسے ہی پورا کرنا ہوگا جس طرح آج آپ لوگوں نے اتحاد و بیداری کا ثبوت دیا ہے.انہوں نے مزید کہا کہ عیدالاضحی کے بعد اسی طرح کا مارچ شاہین باغ، اوکھلا وہار اور غفار منزل وغیرہ میں بھی کیا جائے گا اور دیگر اصلاحی پروگرام بھی منعقد کئے جائیں گے تاکہ پورا علاقہ اتحاد و اجتماعی قوت کے ساتھ اس برائی کا مقابلہ کر سکے۔
