نئی دہلی ،27اپریل ،پریس ریلیز؍ہماراسماج :ہندوستان کے ہر دلعزیز وزیر اعظم نریندر مودی جی کی آل انڈیا ریڈیو کے ذریعہ نشر ہونے والے پروگرام ’من کی بات‘ کی پوری دنیا میں دھوم ہے۔ آج 23 کروڑ سے زیادہ لوگ ’من کی بات‘ پروگرام کو پابندی سے سنتے ہیں۔ 17.6 فیصد لوگ ریڈیو پر ’من کی بات‘ سنتے ہیں، اور ساتھ ہی دنیا میں 44.7 فیصد لوگ ٹی وی پر پی ایم مودی کا پروگرام دیکھتے ہیں۔‘‘ یہ بیان ’سنٹر فار نریندر موڈی اسٹڈیز‘ کے چیئرمین پروفیسر جسیم محمد نے دیا ہے۔دراصل پروفیسر جسیم محمد نے ’من کی بات‘ پروگرام پر مبنی کئی جلدوں میں کتاب ترتیب دی ہے۔ اس تعلق سے وہ بتاتے ہیں کہ ’’میں نے 2016 میں پہلی بار ’من کی بات‘ پروگرام کو کتابی شکل دی اور 2 کاپی معزز وزیر اعظم نریندر مودی جی کو بطور تحفہ پیش کیا۔‘‘ وہ کہتے ہیں کہ ’’دنیا ان کے نظریات اور کاموں کو سن رہا ہے۔ ملک کی تعمیر میں نریندر مودی جی اپنا ہر لمحہ دے رہے ہیں۔ میں نے محسوس کیا ہے کہ مہاتما گاندھی جی کے بعد وزیر اعظم نریندر مودی ایسے لیڈر ہیں جنھوں نے عام لوگوں کے جذبات کو محسوس کیا ہے، انھیں سمجھا ہے۔‘‘قابل ذکر ہے کہ ’من کی بات‘ پروگرام پر مبنی کتاب کی اب تک 6 جلدیں منظر عام پر آ چکی ہیں۔ ہندی میں ترتیب دی گئی یہ کتابیں سنٹر فار نریندر مودی اسٹڈیز (نمو سنٹر)، نئی دہلی کی ویب سائٹ پر موجود ہے جہاں سے مفت ڈاؤن لوڈ کیا جا سکتا نریندر مودی کی شخصیت اور ان کے کارناموں پر مبنی کچھ انگریزی کتابیں بھی سنٹر فار نریندر مودی اسٹڈیز کی ویب سائٹ پر موجود ہیں پروفیسر جسیم محمد کا کہنا ہے کہ کسی کو بھی یہ کتابیں ڈاؤن لوڈ کرنے کے لیے پیسے نہیں دینے ہوں گے، لیکن کتاب ڈاؤن لوڈ کرنے والا ہر شخص اپنے ہاتھ سے کہیں بھی ایک پودا ضرور لگائے۔
