بلند شہر ، تھانہ خانپور پو لیس کی چیکنگ کے دوران با ئک سوار بد معاشوں سے مڈ بھیڑ ہوگئی ،جس میں ایک بد معاش گولی لگنے سے زخمی ہوگیا ۔جبکہ دو بد معاشوں کو گرفتار کیا گیاہے ۔گولی لگنے سے زخمی ہوا بد معاش لوٹ کی واردات میں فرار تھا جس کی تلاش جاری تھی ،جسے علاج کیلئے اسپتال میں داخل کرایا گیاہے ۔بد معاشوں کے قبضہ سے اسلحہ ،موٹر سا ئیکل ،لوٹی ہوئی نقدی اور پازیب سمیت چوری کے تین موبائل بر آمد کئے ہیں ۔اطلاع کے مطا بق خانپو ر کے تھانہ انچارج لو کیش پر تاپ سنگھ پو لیس ٹیم کے ہمراہ پیر کی دیر شب ڈھکرولی پیاؤ پر چیکنگ کررہے تھے ۔اسی دوران با ئک سوار تین لوگوں کو آتا دیکھ رکنے کا اشارہ کیا تو وہ پو لیس کودیکھ واپس بھاگنے لگے ۔پو لیس کے ذریعہ پیچھا کرنے پر بد معاشوں نے خود کوگھرا دیکھ کر پو لیس پرفا ئر نگ کردی ۔پو لیس کی جوابی فا ئر نگ میں ایک بد معاش گولی لگنے سے زخمی ہوگیا ،جس کی شناخت طا لب ولد شاہد ساکن محلہ باغ والا قصبہ خانپور کے طور پر ہوئی ہے ۔اسکے علاوہ پکڑے گئے دو بد معاشوں کی شناخت عابد ولد شاہد ساکن محلہ باغ والا خانپور اور آزاد ولد حاکم ساکن محلہ چین پورہ قصبہ شکار پور کے طور پر کی گئی ہے ۔سی او بھاسکر کمار مشرا نے بتایا کہ پکڑ ے گئے تینوں بد معاش شا طر قسم کے لٹیر ے ہیں ،جس میں عابد کے ذریعہ 6اپر یل کو لوٹ کی واردات کوانجام دیا گیا تھا ۔ملزم آزاد نے 5اپر یل کو تھانہ جہانگیر آباد علاقہ میں دو موبائل اور تھانہ خانپور علاقہ میں ایک موبائل چوری کیا تھا ،ملزمین کے خلاف معا ملہ درج کرکے انھیں جیل بھیجا جارہاہے ۔
