فرینکفرٹ (یو این آئی) یوروکپ 2024 کے راؤنڈ آف 16 میں پرتگال نے پنالٹی شوٹ آؤٹ میں سلووینیا کو 3-0 سے شکست دے کر کوارٹر فائنل میں داخلہ حاصل کر لیا ہے۔
پیر کو کھیلے گئے سنسنی خیز مقابلے میں پرتگال کے کپتان کرسٹیانو رونالڈو کو اضافی وقت میں دو گول کرنے کا موقع تھا لیکن وہ گنوا بیٹھے اور میدان میں روتے ہوئے نظر آئے۔
پنالٹی شوٹ آؤٹ میں پرتگال کے گول کیپر ڈیوگو کوسٹا نے لگاتار تین گول بچا کر اپنی ٹیم کو کوارٹر فائنل میں پہنچایا۔
اگلے راؤنڈ میں پرتگال کا مقابلہ فرانس سے ہوگا۔ فرانس بیلجیئم کو 1-0 سے شکست دے کر اگلے راؤنڈ میں پہنچا ہے۔
رونالڈو نے میچ کے بعد کہا کہ "میرے پاس کھیل کا فیصلہ کرنے کا موقع تھا، لیکن میں نے اسے کھو دیا اور اوبلاک نے شاندار بچاؤ کیا۔”
پرتگال کے گول کیپر کوسٹا نے کہا کہ یہ میرے کیریئر کا اب تک کا بہترین میچ تھا۔ میں نے میدان میں اپنے کام پر توجہ دی۔ انہوں نے کہا کہ میں نے پنالٹی شوٹ آؤٹ کے دوران خود پربھروسہ کیا۔
پرتگال کے کوچ رابرٹو مارٹنیز نے کوسٹا کی تعریف کرتے ہوئے کہا، "کوسٹا ہمارا خفیہ ہتھیار ہے۔ اس نے آج اپنی طاقت کا مظاہرہ کیا۔
