صدّام حسین فیضی
رام پور25 دسمبر ،سماج نیوز سروس:دہلی سے تقریباً 200 کلومیٹر کے فاصلے پر یوپی کے مضافات میں ایک پرسکون شہررام پور ہے۔ قدیم ثقافتوں کے تحفظ کے علاوہ یہ پرانا شہر ان دنوں سیاسی سرگرمیوں کے لئے بھی کافی چرچا میںہے۔ اس شہر کے وسط میں حامد منزل ہے جو یورپی مغل فن تعمیر کا شاندار نمونہ ہے۔ حامد منزل کا نام رام پور کے نویں نواب حامد علی خان کے نام پر رکھا گیا ہے جنہوں نے اس عظیم الشان عمارت کو تعمیر کرایا تھا۔ یہ عمارت اپنی تاریخی رضا لائبریری کے لئے مشہور ہے جو کہ اب 250 سال پرانی ہو چکی ہے۔رضا لائبریری میں ہندی، فارسی، عربی، ترکی اور پشتو میں 17,000 نادر نسخے موجود ہیں۔ اس کے ساتھ ایرانی، منگول، مغل، دکنی نژاد 83 ہزار کتابیں اور 5000 منی ایچر پینٹنگز اور اسلامی خطاطی کے 3 ہزار نمونے بھی یہاں موجود ہیں۔ رضالائبریری کے 250 سال مکمل ہونے کے موقع پر مراد آباد منڈل کے کمشنرآنجنے کمارسنگھ نے ایک سالہ جشن کا آغاز کیا ہے جو اکتوبر 2024 تک جاری رہے گا۔ اس میلے میں لیکچرز، سیمینارز، علمی میٹنگز، کانفرنسیں، کتابی میلے اور مخطوطہ سائنس، خطاطی اور دیگرزبانوں پر سال بھر کے کورسز شامل ہیں۔صنم علی خان کے لئے یہ ناقابل فراموش لمحہ ہے جو لائبریری میں آرٹ کنزرویٹر ہیں اور حامدعلی خاںکی پوتی ہیں ۔ انہوں نے کہا کہ مجھے یقین ہے کہ مجھے اپنے اسلاف کے کام کو جاری رکھنے کے لئے ہی منتخب کیا گیا ہے۔ انہوں نے کہا کہ رضا لائبریری کا قیام 1774 میں ریاست رام پور کے قیام کے ساتھ ہوا تھا۔ اسے 18ویں اور 19ویں صدی کے ہنگامہ خیز دور میں رام پور کے پہلے نواب فیض اللہ خان نے قائم کیا تھا۔ خان نے ایک توشہ خانہ بھی قائم کیا تھا جہاں قیمتی سامان کے لئے ایک محافظ خانہ بنایا گیا تھا۔ یہاں اس نے نایاب مخطوطات، پینٹنگز، کتابیں اور بہت کچھ جمع کیا۔ یکے بعد دیگرے نوابوں نے ان امورکو برسوں کے دوران مزید بڑھائے رکھا۔رضالائبریری کے انفارمیشن آفیسر ڈاکٹر ابوسعد اصلاحی نے بتایاکہ 18ویں صدی کے وسط کے100 سال ہنگامہ خیز تھے۔ مغلیہ سلطنت اور اودھ ریاست زوال کا شکار تھی۔ برصغیر کے اندر اقتدار کے لئے جنگیں اور لڑائیاں ہوئیں۔1857 کی بغاوت کے اختتام تک مغلوں اور نوابوں کی لائبریریوں کو بڑے پیمانے پر توڑ پھوڑ کا نشانہ بنایا گیا۔رام پور انگریزوں کے ساتھ اپنی وفاداری کے ساتھ مغلیہ سلطنت کی گرتی ہوئی میراث کو بچانے کا سب سے محفوظ راستہ تھا۔ نوابوں کو موسیقی، ادب، خوراک اور فن کے عظیم سرپرستوں کے طور پر جانا جاتا ہے۔ شاعروں، دانشوروں اور ادیبوں کا رام پور میںہمیشہ خیر مقدم کیا اس طرح توشہ خانہ کی ترقی کو یقینی بنایا گیا۔تاہم معاملات طے ہونے کے لئے وقت درکار تھا۔ درحقیقت اس میں چند صدیاں لگیں۔ 5ویں نواب محمد سعید خان نے1840 سے 1855 تک اپنے دورحکومت میں لائبریری کے لئے ایک الگ شعبہ بنایا۔اس ذخیرے کا سنہری دور ساتویں نواب کلب علی خان (1856–1887) کے ساتھ آیاجنہوں نے 1857 کی پہلی جنگ آزادی (یا جیسا کہ انگریز اسے سپاہی بغاوت کہتے ہیں) کے بعد اس ادبی خزانے کو بحال کرنے کے لئے کام کیا۔تاہم اتنی تاریخی اہمیت کے باوجود لائبریری کو کئی مسائل کا سامنا ہے۔ یہاں سب سے بڑا چیلنج ملازمین کی کمی ہے۔ ڈائریکٹر کی پوسٹ سمیت کم از کم 10 خالی آسامیوں کو 2020 سے پُر نہیں کیا گیا ہے۔ لائبریری کے ایک اہلکار کا کہنا تھا کہ فنون لطیفہ کا تحفظ ایک توجہ مرکوز کرنے والا کام ہے لیکن جب ہمیں بیک وقت بہت سے کام کرنے پڑتے ہیں اور تحقیق اور گیلری کے اسسٹنٹ یا کلرک کا کام کرنا پڑتا ہے تو اس سے ہماری سرگرمیاں سست پڑ جاتی ہیں۔ یہاں کام کرنے والے بہت سے ملازمین اہل ہونے اور دو دہائیوں سے زیادہ عرصے سے یہاں رہنے کے باوجود کنٹریکٹ پر ہیں۔مزید یہ کہ مخطوطات کو ڈیجیٹائز کرنے کا اہم کام صرف آدھا مکمل ہوا ہے۔ اس کے لئے زیادہ افرادی قوت کے ساتھ ساتھ بڑے سکینرز اور دیگر آلات کی ضرورت ہے لیکن لائبریری کی 250ویں سالگرہ امید دلاتی ہے اسے 7.2 کروڑ روپے کی گرانٹ ملی ہے۔ابوسعد اصلاحی نے کہا کہ اسے عمارت، کیفے ٹیریا، سووینئر شاپ کی تزئین و آرائش، بڑے سکینرز، کمپیوٹرز، فرنیچر، مخطوطات کی ڈیجیٹائزیشن کے لئے آلات کی تنصیب کے لئے استعمال کیا جائے گا۔یہ بتاتے چلیںکہ ساتویں صدی کا قرآن، چوتھے خلیفہ حضرت علی کا ایک پارچمنٹ، پرانے کوفی رسم الخط کا استعمال کرتے ہوئے عربی میں لکھا گیا14ویں صدی کی جمعیت تواریخ، رشید الدین فضل اللہ کی لکھی ہوئی، ایک ابتدائی مثالی فارسی تصنیف جس میں منگول قبائل کی تاریخ بیان کی گئی ہے۔ 2015 میںوزیراعظم نریندر مودی نے اس کی دوبارہ تیار کردہ کاپی منگولیا کے صدر کو تحفے میں دی تھی۔دیوانِ حافظ، 16ویں صدی کی نظموں کا مجموعہ، شہنشاہ اکبر کی منگولائی خصوصیات کو ظاہر کرنے والی واحد معروف پینٹنگ ،والمیکی رامائن، 1715 میں 258 چھوٹے تصاویر کے ساتھ منفرد انداز میں بیان کیا گیا اور فارسی میں ترجمہ کیا گیا۔دیوانِ بابر، بابر کا لکھا ہوا فارسی مخطوطہ جس میں پہلے مغل بادشاہ کی شاعری اور لکھاوٹ درج کی گئی ہے۔
