نئی دہلی،18دسمبر،سماج نیوز سروس: ساہتیہ اکادمی نے آج ’ ساہتیہ اکادمی ایوارڈ 2024‘ کا اعلان کردیا ہے ،اکادمی کے سکریٹری کے سرینواس رائو نے آج پریس کانفرنس کے دوران 21؍ زبانوں کے لیے ایوارڈز کا اعلان کیا ہے جس میں آٹھ شعری مجموعے، تین ناول، دو کہانی کے مجموعے، تین مضامین، تین ادبی تنقید، ایک ڈرامہ اور ایک تحقیقی کتاب شامل ہے۔قابل ذکر ہے کہ اردو، باڈلہ اور ڈوگری میں ایوارڈ کا اعلان بعد میں کیا جائے گا۔ واضح رہے کہ ان ایوارڈکی سفارش ۲۱؍ ہندوستانی زبانوں کی جیوری کمیٹیوں نے کی تھی اور آج ساہتیہ اکادمی کے صدر مادھو کوشک کی صدارت میں منعقدہ اکادمی کے ایگزیکٹو بورڈ کی میٹنگ میں ان کی منظوری دی گئی ہے ۔ایوارڈ یافتہ کتابیں ہیں (شاعری مجموعے)کے لیے سمیر تانتی (آسامی)، دلیپ جھاویری (گجراتی)، گگن گل (ہندی)،کے جے کمار (ملیالم)، ہوبم ستیہ وتی دیوی (منی پوری)، پال کور (پنجابی)، مکوٹ منیراج (راجستھانی)، دیپک کمار شرما (سنسکرت)، (ناول کے لیے) ارن راجہ (بوڈو)، ایسٹرن کرے (انگریزی)، سوہن کول (کشمیری)، (کہانی کا مجموعہ کے لیے) یووا برال (نیپالی)، ہندراج بلوانی (سندھی)،( مضمون کے لیے) مکیش تھالی (کونکنی)، مہندر ملنگیا (میتھلی)، بیشنب چرن سامل(اوڈیا)، (ادبی تنقید کے لیے)کے وی نارائن (کنڑ)، سدھیر رسال (مراٹھی)، پینوگونڈا لکشمی نارائنا (تیلگو)،( ڈرامہ کے لیے) مہیشور سورین (سنتالی)،( تحقیق کے لیے) اے آر وینکٹ چلپتی (تمل) کے نام قابل ذکر ہیں۔
یہ ایوارڈز سال کے آخری پانچ سالوں (یعنی یکم جنوری 2018؍ سے31؍ دسمبر2022) میں پہلی بار شائع ہونے والی کتابوں کو دیے جاتے ہیں۔ ایوارڈ یافتگان کو 8؍ مارچ2025؍ کو کمانی آڈیٹوریم،نئی دہلی میں منعقد ہونے والی ایک پروقار تقریب میں ایک کندہ شدہ تانبے کی تختی، شال اور ایک لاکھ روپے کی رقم پر مشتمل یہ ایوارڈ پیش کیا جائے گا۔
