سید پرویز قیصر
راجستھان رائلز کے خلاف حیدرآباد میں کھیلے گئے میچ میں سن رائزرس حیدرآباد کے دو بالروں نے اپنا پہلا انڈین پریمیر لیگ کھیلتے ہوئے چار۔ چار وکٹ لئے۔ دائیں ہاتھ کے تیز بالر پرافل ہنگے چار اوور میں34 رن دیکر چار وکٹ لینے میں کامیاب رہے جبکہ دوسرے تیز بالرثاقب حسین چار اوور میں24 رن دیکر اتنے ہی وکٹ حاصل کئے۔ ان دونوں بالروں کی شاندار بالنگ کی بدولت سن رائزرس حیدرآباد نے راجستھان رائلز کے خلاف میچ 57 رن سے جیتا۔ سن رائزرس حیدرآباد نے پہلے بلے بازی کرتے ہوئے مقررہ20 اوور میں چھ وکٹ پر 216 رن بنانے کے بعد راجستھان رائلز کو 19 اوور میں159 رن پر آوٹ کردیا تھا۔
ثاقب حسین کی بالنگ انڈین پریمیر لیگ میں پہلے میچ میں چوتھی سب سے اچھی بالنگ کارکردگی ہے جبکہ پرافل ہنگے کی بالنگ پہلے انڈین پریمیر لیگ میں آٹھویں سب سے اچھی بالنگ ہے۔ ان دونوں بالروں سے پہلے ہندوستان سے تعلق رکھنے والے صرف ایک بالر نے اپنے انڈین پریمیر لیگ کی شروعات چار وکٹوں کے ساتھ کی تھی اور وہ بالر اشونی کمار تھے جنہوں نے ممبئی میں31 مارچ2025 کو ہوئے منیچ میں ممبئی انٖڈینس کی جانب سے کھیلتے ہوئے کولکاتہ نائیٹ رائیڈرس کے خلاف چار اوور میں24 رن دیکر چار کھلاڑیوں کو آوٹ کیا تھا اور اپنی ٹیم کو آٹھ وکٹ سے جتانے میں ایک اہم کردار ادا کیا تھا۔
پہلے انڈین پریمیر لیگ میں سب سے اچھی بالنگ کا ریکارڈ ویسٹ انڈیز سے تعلق رکھنے والے تیز بالر الزاری جوزف کے پاس ہے جنہوں نے ممبئی انٖڈینس کی جانب سے کھیلتے ہوئے سن رائزرس حیدآباد کے خلاف حیدرآباد میں6 اپریل2019 کو3.4اوور میں12 رن دیکر چھ کھلاڑیوں کو آوٹ کیا تھا۔ اس میچ میں انکی ٹیم کو40 رن سے کامیابی ملی تھی۔الزاری جوزف کی یہ انڈین پریمیر لیگ میں ہی نہیں ٹونٹی ٹونٹی بین الاقوامی کرکٹ میں بھی سب سے اچھی بالنگ کارکردگی ہے۔ انڈین پریمیر لیگ میں یہ انڈین پریمیر لیگ میں سب سے اچھی بالنگ کارکردگی بھی ہے۔
آسڑیلیا کے تیز بالر انڈریو ٹائی کو پہلے انڈین پریمیر لیگ میں دوسری سب سے اچھی بالنگ کرانے کا اعزازحاصل ہے۔ گجرات لائنس کی جانب سے کھیلتے ہوئے انہوں نے رائزنگ پونہ سوپر جائنٹس کے خلاف راجکوٹ14 اپریل2017 کو ہوئے میچ میں چار اوورمیں 17 رن دیکر پانچ کھلاڑیوں کو آوٹ کیا تھا۔ اس میچ میں انکی ٹیم کو سات وکٹ سے شکست ہوئی تھی۔
پاکستان کے تیز بالر شعیب اختر نے کولکاتہ نائیٹ رائیڈرس کی جانب سے کھیلتے ہوئے دہلی کیپٹلس کے خلاف کولکاتہ میں13 مئی2008 کو ہوئے میچ میں تین اوور میں گیارہ رن دیکر چار کھلاڑیوں کو آوٹ کیا تھا جو انڈین پریمیر لیگ میں پہلے میچ میں تیسری سب سے اچھی بالنگ ہے۔ ان کی اس کارکردگی کی بدولت انکی ٹیم کو اس میچ میں23 رن سے کامیابی ملی تھی۔
ویسٹ انڈیز کے تیز بالر کیون کوپر بھی ان بالروں میں شامل ہیں جنہوں نے اپنے پہلے انڈین پریمیر لیگ میچ میں چار کھلاڑیوں کو آوٹ کیا ہے۔راجستھان رائلز کی جانب سے کھیلتے ہوئے انہوں نے پنجاب کنگس کے خلاف جے پور میں6 اپریل2012 کو ہوئے میچ میں چار اوور میں 26 رن دیکر چار کھلاڑیوں کو آوٹ کیا نتھا ۔ انکی ٹیم31 رن سے جیتی تھی۔
بنگلورو میں9 اپریل2015 کو ہوئے میچ میں رائل چیلنجرس بنگلورو کی جانب سے کھیلتے ہوئے ممبئی انڈینس کے خلاف ڈیوڈ ویس چار اوور میں33 رن دیکر چار کھلاڑیوں کو آوٹ کیا تھا۔ جنوبی افریقہ اور نامیبیا کی جانب سے بین الاقوامی کرکٹ کھیلنے والے اس بالر کی بالنگ سے انکی ٹیم کو جیت نہیں ملی تھی بلکہ وہ18 رن سے ہارگئی تھی۔
