سیول، (یو این آئی): ٹاٹنہم ہاٹاسپر کے سابق فارورڈ سون ہیونگ مَن کو چوتھی بار جنوبی کوریا کی ورلڈ کپ فٹ بال ٹیم کا کپتان منتخب کیا گیا ہے۔33 سالہ سون نے گزشتہ سال ‘اسپرز چھوڑ دیا تھا اور اب وہ میجر لیگ ساکرز کی ٹیم ‘لاس اینجلس ایف سی کے لیے کھیلتے ہیں۔ جنوبی کوریا فیفا ورلڈ کپ 2026 میں اپنی مہم کا آغاز 12 جون کو چیک ریپبلک کے خلاف کرے گا اور پھر 19 جون کو شریک میزبان میکسیکو کا سامنا کرے گا، یہ دونوں میچ گواڈلہارا میں ہوں گے۔ اس کے بعد ٹیم 25 جون کو مانیٹری میں جنوبی افریقہ کے خلاف میچ کھیل کر گروپ ‘اے’ میں اپنا شیڈول مکمل کرے گی۔سون ہیونگ مَن ہیڈ کوچ ہونگ میونگ بو کی طرف سے چنی گئی ایک انتہائی تجربہ کار ٹیم کا حصہ ہیں، جس میں وولوز کے فارورڈ ہوانگ ہی چان اور برطانیہ میں مقیم مڈفیلڈرز بے جون ہو (اسٹوک سٹی)، پیک سیونگ ہو (برمنگھم)، سیلٹک کے یانگ ہیون جون اور سوانسی کے ایوم جی سنگ بھی شامل ہیں۔ بی بی سی اسپورٹ کے مطابق، اس اسکواڈ میں پیرس سینٹ جرمین کے مڈفیلڈر لی کانگ ان، بائرن میونخ کے ڈیفینڈر کم من جے اور بوروسیا مونکین گلاڈباخ کے جرمنی میں پیدا ہونے والے ڈیفینڈر جینس کاسٹروپ بھی شامل ہیں۔ کاسٹروپ جنوبی کوریا کی ورلڈ کپ ٹیم میں جگہ بنانے والے پہلے دوہری شہریت کے حامل کھلاڑی ہیں۔ کاسٹروپ کے والد جرمن اور والدہ کوریائی ہیں؛ وہ جرمنی کی طرف سے جونیئر لیول پر کھیل چکے ہیں لیکن گزشتہ سال اپنی ٹیم تبدیل کرنے کے بعد سے اب تک پانچ بار جنوبی کوریا کی نمائندگی کر چکے ہیں۔فٹ بال ورلڈ کپ کے لیے جنوبی کوریا کی مکمل ٹیم درج ذیل ہے:گول کیپرز: جو ہیون وو (اولسان)، کم سیونگ گیو (ایف سی ٹوکیو)، سونگ بم کیون (جیون بک)۔ڈیفینڈرز: کم مون ہوان (ڈیجن)، کم من جے (بائرن میونخ)، کم تائے ہیون (کاشیما اینٹلرز)، پارک جن سیوب (ژیجیانگ)، سیول ینگ وو (ریڈ اسٹار بیلگریڈ)، جینس کاسٹروپ (بوروسیا مونکین گلاڈباخ)، لی کی ہیوک (گینگون)، لی تائے سیوک (آسٹریا ویانا)، لی ہان بیوم (مڈٹجیلینڈ)، چو یو من (شارجہ)۔مڈفیلڈرز: کم جن گیو (جیون بک)، بے جون ہو (اسٹوک سٹی)، پیک سیونگ ہو (برمنگھم)، یانگ ہیون جون (سیلٹک)، ایوم جی سنگ (سوانسی)، لی کانگ ان (پیرس سینٹ جرمین)، لی ڈونگ گیونگ (اولسان)، لی جے سنگ (مینز)، ہوانگ ان بیوم (فینورڈ)، ہوانگ ہی چان (وولوز)۔فارورڈز: سون ہیونگ مَن (ایل اے ایف سی)، اوہ ہیون گیو (بیسکتاس)، چو گوئی سنگ (مڈٹجیلینڈ)۔
