نئی دہلی،31؍مئی،پریس ریلیز،ہمارا سماج: ہندوستان بھرمیں اوقاف کی جائداد کی بازیا بی اوراسکے تحفظ کے خاطر مرکزی وزیر برائے اقلیتی امور (حکومت ہند) محترمہ اسمرتی زوبین ایرا نی سے حاجی حیدر اعظم اور شبیر احمدانصاری ( چیئر مین تحریک وقف مہاراشٹر)نے خصوصی ملاقات کی ۔اس دوران حاجی حیدر اعظم اور شبیر انصاری نے مرکزی وزیر محترمہ اسمرتی ایرانی سے اوقاف کی اراضی کے معاملہ پر کافی طویل گفتگو کی، بالخصوص مہاراشٹرمیں وقف جائدادوں کے خرد برد کے سلسلے میں بات چیت ہوئی اور مرکزی وزیر نے تمام باتوں کوبغور سنااور بھروسہ دلایا کہ وقف کی اراضی کو بچانا وزارت کاکام ہے ۔اس موقع پراسمرتی ایرانی نے کہاکہ ممبئی میں وزارت کے افسران کو جلد ہی بھیج کر جن لوگوں کی بھی وقف اراضی کے سلسلہ میں شکایت ہے ، اس پر فوری کارروائی کی جائیگی،لہٰذا اوقاف کی اراضی میں خرد برد کے معاملہ پر کسی بھی طرح کی لاپروائی برداشت نہیں کیا جائیگی ۔ انہوں نے کہاکہ اوقاف کی جائدادوں کے تحفظ کے تعلق سے جلد از جلد ممبئی میں ایک پروگرام منعقد کیاجائیگا،کیو نکہ ہماری وقت کوشش ہے کہ اوقاف کی جائیدادوں کا ہر طریقے سے تحفظ کیا جاسکے۔ اسمرتی ایرانی صاحبہ نے یہ بھی کہاکہ وقف کی اراضی کے تحفظ کیلئے مرکزی وزارت اقلیتی امور پابند عہد ہے۔ وہیں حاجی حیدر اعظم نے بتایاکہ وقف کی اراضی کے مسئلہ پر مرکزی وزیر محترمہ ایرانی سے کافی لمبی بات چیت ہوئی اور مرکزی وزیر نے تمام باتوں کو سنجیدگی کے ساتھ سماعت کیا۔ مرکزی وزیر نے تمام باتوںکو بغور سنا اوریقین دہا نی کرائی کہ کسی بھی اوقاف کی اراضی کو ہڑپنے کی کوشش نہیں کی جائیگی ، نیز موصوفہ کی زیر قیادت پورے ہندوستان میں وقف کی جائدادوں کو خرد بردہو نے سے بچایا جاسکے گا ۔
