نوح،میوات،سماج نیوز سروس: بدھ کوڈسٹرکٹ لیگل سروسز اتھارٹی (DLSA) نوح نے گورنمنٹ اسکول،چندینی میں ایک قانونی آگاہی کیمپ کا انعقاد کیا۔یہ کیمپ چیف جوڈیشل مجسٹریٹ کم سکریٹری نیہا گپتا کی رہنمائی میں منعقد کیا گیا تھا اور اس میں طلباء اور اسکول کے عملے نے جوش و خروش سے شرکت کی۔کیمپ میں مہمان خصوصی کے طور پر موجود نیہا گپتا نے طلباء کو تعلیم کی اہمیت،قانونی بیداری،بچوں کے حقوق،چائلڈ لیبر،جہیز کے نظام، بچوں کی شادی اور انصاف اور مساوات کو یقینی بنانے میں معاشرے کے کردار جیسے اہم موضوعات پر تفصیلی معلومات فراہم کیں۔کیمپ کے دوران طلباء کو نیشنل لیگل سروسز اتھارٹی (NALSA) اور ہریانہ اسٹیٹ لیگل سروسز اتھارٹی (HSLSA) کے ذریعے چلائی جانے والی مختلف اسکیموں اور اقدامات کے بارے میں بھی آگاہ کیا گیا۔خاص طور پر ان اسکیموں پر توجہ دی گئی جن کا مقصد معاشرے کے پسماندہ اور کمزور طبقات کو مفت قانونی امداد فراہم کرنا ہے۔پروگرام کے اختتام پر ایک انٹرایکٹو سیشن کا بھی انعقاد کیا گیا،جس میں طلباء نے اپنے سوالات کیے اور ان کے تسلی بخش جوابات دیے گئے۔اس سیشن کو طلباء نے بہت سراہا،جس سے انہیں اپنے حقوق اور فرائض کی بہتر تفہیم پیدا کرنے میں مدد ملی۔انہوں نے بتایا کہ کسی کو بھی مفت قانونی امداد کی ضرورت ہے وہ ٹول فری نمبر 15100 پر رابطہ کر سکتا ہے۔قبل ازیں اسکول ہیڈماسٹر نسیم احمد نےچیف جوڈیشل مجسٹریٹ کم سکریٹری نیہا گپتا کے اسکول پہنچنے پر گلدستہ پیش کر شانداراستقبال کیا۔
