سید پرویز قیصر
نارتھ ساونڈ میں نامیبیا کے خلاف کھیلے گئے ٹونٹی ٹونٹی عالمی کپ کے گروپ بی کے میچ میں آسڑیلیا نے86 بالیں رہتے نو وکٹ سے کامیابی حاصل کی جو اسکی ٹونٹی ٹونٹی عالمی کپ میں بالوں کے اعتبارسے سب سے بڑی اور کل ملاکر دوسری سب سے بڑی جیت تھی۔
پہلے بلے بازی کرتے ہوئے نامیبیا کے سبھی کھلاڑی17 اوور میں72 رن کے اسکور پر آوٹ ہوگئے تھے۔ آسڑیلیا نے5.4 اوور میں ایک وکٹ پر 74 رن بناکر جیت اپنے نام کی تھی۔ نامیبیا کا اسکور آسڑیلیا کے خلاف ٹونٹی ٹونٹی بین الاقوامی کرکٹ میں سب سے کم اسکور تھا۔ اس سے پہلے آسڑیلیا کے خلاف سب سے کم اسکور پر آوٹ ہونے والی ٹیم بنگلہ دیش تھی جو دوبئی میں4 نومبر2021 کو ہوئے میچ میں15 اوور میں73 رن بناکر آوٹ ہوئی تھی۔ اس میچ میں آسٹریلیا نے 6.2 اوور میں دو وکٹ پر 78 رن بناکر میچ بالیں رہتے آٹھ وکٹ سے جیتا تھا۔آسڑیلیا کی یہ بالوں کے اعتبار سے پچھلی سب سے بڑی جیت تھی۔
نامیبیا کا اسکور ٹونٹی ٹونٹی بین الاقوامی کرکٹ میں سب سے کم اسکور بھی ہے۔ اس سے پہلے اس کا اس قسم کے کرکٹ میں سب سے کم اسکور 19.3 اوور میں96 رن تھا جو اس نے سری لنکا کے خلاف18 اکتوبر2021 کو ابوظبہی میں بنایا تھا۔ اس میچ میں سری لنکا نے13.3 اوور میں تین وکٹ پر 100 رن بناکر سات وکٹ سے جیت اپنے نام کی تھی۔ نیدر لینڈس کے خلاف19 اکتوبر2019 کو ہوئے میچ میں بھی نامیبیا کے سبھی کھلاڑی19 اوور میں96 رن بناکر آوٹ ہوئے تھے۔ اس میچ میں نیدر لینڈس نے پہلے بلے بازی کرتے ہوئے20 اوور میں چھ وکٹ پر 140 رن بنائے تھے اور میچ44 رن سے جیتا تھا۔
ٹونٹی ٹونٹی عالمی کپ میں بالوں کے اعتبار سے سب سے بڑی جیت کا ریکارڈ سری لنکا کے پاس ہے جس نے نیدر لینڈس کے خلاف چٹا گانگ میں 24 مارچ 2014 کو ہوئے میچ میں90 بال رہتے جیت اپنے نام کی تھی۔ اس میچ میں نیدر لینڈس نے پہلے بلے بازی کرتے ہوئے10.3 اوور میں39 رن بنائے تھے۔ سری لنکا نے5 اوور میں ایک وکٹ پر40 رن بناکر جیت اپنے نام کی تھی۔
ہندوستان کو ٹونٹی ٹونٹی عالمی کپ میں بالوں کے حساب سے اب چوتھی سب سے بڑی جیت حاصل کرنے کا اعزاز حاصل ہے۔اس نے اسکاٹ لینڈ کے خلاف دوبئی میں 5 نومبر2021 کو ہوئے میچ میں81 بالیں رہتے آٹھ وکٹ سے جیت اپنے نام کی تھی۔ اس میچ میں اسکاٹ لینڈ نے پہلے بلے بازی کی تھی اور اس کے سبھی کھلاڑی17.4 اوور میں85 رن بناکر آوٹ ہوگئے تھے۔ ہندوستان نے6.3 اوور میں دو وکٹ پر89 رن بنائے اور آٹھ وکٹ سے جیت حاصل کی۔
سری لنکا کی نیدر لینڈس کے خلاف شارجہ میں22 اکتوبر2021 کو 77 بالیں رہتے حاصل کی تھی آٹھ وکٹ کی جیت ٹونٹی ٹونٹی عالمی کپ میں بالوں کے اعتبار سے پانچویں سب سے بڑی جیت ہے۔ اس میچ میں پہلے بلے بازی کرتے ہوئے نیدر لینڈس کے سبھی کھلاڑی10 اوور میں44 رن بناکر آوٹ ہوگئے تھے۔ سری لنکا نے7.1 اوور میں دو وکٹ پر 45 رن بناکر 77 بالیں رہتے آٹھ وکٹ سے کامیابی اپنے نام کی تھی۔
نامیبیا نے پہلے دس اوور میں27 رن بنائے جو ٹونٹی ٹونٹی عالمی کپ میں دس اوور کے بعد دوسرا سب سے کم اسکور ہے۔ اس کے کھلاڑیوں نے پانچ وکٹ گنوانے کے بعد یہ رن بنائے تھے۔ پہلے دس اوور میں اس افریقی ٹیم کے کھلاڑیوں نے 44 بالوں پر کوئی رن نہیں بنایا تھا۔ 12 بالوں پر نامیبیا کے کھلاڑی ایک رن بنانے میں کامیاب رہے تھے جبکہ تین چوکے لگے تھے۔ پہلے دس اوور میں تین رن ٖفاضل کے بھی تھے۔ ٹونٹی ٹونٹی عالمی کپ میں پہلے دس اوور میں سب سے کم اسکور افغانستان نے انگلینڈ کے خلاف کولمبو میں21 ستمبر2012 کو بنایا تھا۔ اس میچ میں اٖفغانستان کے سبھی کھلاڑی17.2 اوور میں 80 رن بناکر آوٹ ہوئے تھے۔ پہلے دس اوور میں اٖفغانستان کے کھلاڑیوں نے44 بالوں پر کوئی رن نہیں بنایا تھا جبکہ دس بالوں پر ایک، چار بالوں پر دو اور ایک چوکا لگایا تھا۔ پہلے دس اوور میں چار ٖفاضل رن بھی شامل تھے ۔
