کینیڈا کیخلاف ٹیم انڈیا میں یشسوی جیسوال کو مل سکتا ہے موقع

نیویارک  ( آئی این ایس انڈیا ) T20 ورلڈ کپ 2024 میں ہندوستانی ٹیم گروپ مرحلے کا چوتھا اورآخری میچ آج کینیڈا کے خلاف یعنی ہفتہ 15 جون کو کھیلے گی۔اس سے پہلے کھیلے گئے تینوں میچ جیت کر ٹیم انڈیا نے سپر-8 کے لیے کوالیفائی کر لیا ہے۔ ایسے میں کینیڈا کے خلاف آج کے میچ میں ٹیم انڈیا کے پلیئنگ الیون اورآرڈرمیں تبدیلی ہو سکتی ہے۔ آج یشسوی جیسوال کو موقع مل سکتا ہے اور وراٹ کوہلی تیسرے نمبر پر بیٹنگ کر آ سکتے ہیں۔اب تک کھیلے گئے تینوں میچوں میں وراٹ کوہلی کپتان روہت شرما کے ساتھ اوپننگ میں نظر آئے ہیں۔ لیکن کنگ کوہلی کا بلے اوپننگ میں کارکردگی نہیں دکھا سکا۔ اوپننگ کرنے آئے وراٹ کوہلی تینوں میچوں میں فلاپ رہے۔ آئرلینڈ کے خلاف پہلے میچ میں وراٹ کوہلی 01 رن بنانے کے بعد آؤٹ ہوئے تھے۔ اس کے بعد پاکستان کیخلاف دوسرے میچ میں وہ صرف 04 رنز بنا سکے اور پھر امریکہ کیخلاف تیسرے میچ میں وہ گولڈن ڈک پر پویلین لوٹ گئے۔ایسے میں وراٹ کوہلی کو کینیڈا کیخلاف میچ میں اپنے پرانے نمبر تین پر کھیلتے ہوئے دیکھا جا سکتا ہے۔ ٹیم کے اسٹار اوپنر یشسوی جیسوال کو موقع مل سکتا ہے۔یشسوی جیسوال کو اوپننگ میچ پر ہندوستانی کپتان روہت شرما کے ساتھ دیکھا جا سکتا ہے۔آل راؤنڈر رویندر جڈیجہ کی جگہ یشسوی جیسوال کو موقع مل سکتا ہے۔ جڈیجہ بھی اب تک فلاپ نظر آئے ہیں۔ کپتان روہت شرما نے بھی بولنگ میںرویندر جڈیجہ کا زیادہ استعمال نہیں کیا۔ایسے میں رویندر جڈیجہ کو کینیڈا کیخلاف میچ سے باہر کیا جا سکتا ہے۔ رویندر جڈیجہ کی جگہ یشسوی جیسوال کو ٹیم میں انٹری مل سکتی ہے۔کینیڈا کے خلاف ٹیم انڈیا کی ممکنہ پلیئنگ الیون:روہت شرما (کپتان)، یشسوی جیسوال، وراٹ کوہلی، رشبھ پنت (وکٹ کیپر)، سوریہ کمار یادو، شیوم دوبے، ہاردک پانڈیا، اکسر پٹیل، جسپریت بمراہ، ارشدیپ سنگھ، محمد سراج۔