پٹوموان (تھائی لینڈ)، (یواین آئی )تھائی لینڈ اوپن بیڈمنٹن ٹورنامنٹ میں ہندنوستان کی مہم کامیابی کے ساتھ جاری ہے۔ جمعرات کو کھیلے گئے مقابلوں میں ہندنوستان کی تین اہم اینٹریز— پی وی سندھو، لکشیہ سین اور ساتوک سائی راج رنکی ریڈی و چراغ شیٹی کی جوڑی نے اپنے اپنے میچ جیت کر کوارٹر فائنل کے لیے کوالیفائی کر لیا ہے۔ٹورنامنٹ کی ٹاپ سیڈڈ ہندنوستانی جوڑی ساتوک اور چراغ نے ملائیشیا کے برائن جیریمی اور ہائیکل محمد کو سٹریٹ گیمز میں 21-12، 21-19 سے شکست دی۔ 44 منٹ تک جاری رہنے والے اس میچ میں بھارتی جوڑی نے مکمل غلبہ حاصل کیا۔ اب کوارٹر فائنل میں ان کا مقابلہ جاپان کی چھٹی سیڈڈ جوڑی تاکومی نومورا اور یوچی شیموگامی سے ہوگا۔خواتین کے سنگلز میں چھٹی سیڈڈ پی وی سندھو نے ڈنمارک کی امالی شولز کو محض 28 منٹ میں 21-13، 21-15 سے ہرا دیا۔ سندھو نے دونوں گیمز میں مسلسل سات سات پوائنٹس حاصل کر کے اپنی حریف کو واپسی کا کوئی موقع نہیں دیا۔ اگلے مرحلے میں سندھو کا بڑا مقابلہ جاپان کی ورلڈ نمبر 3 اکانے یاماگوچی سے ہوگا، جن کے خلاف سندھو کو اب تک 15-12 کی برتری حاصل ہے۔مردوں کے سنگلز میں ساتویں سیڈڈ لکشیہ سین نے چین کے ژو ژوان چین کو 21-12، 21-13 سے آسانی سے زیر کیا۔ لکشیا کا اگلا مقابلہ کوارٹر فائنل میں دوسری سیڈڈ مقامی کھلاڑی کنلاوت ویٹڈسارن سے ہوگا، جو لکشیا کے لیے ایک کڑا چیلنج ثابت ہو سکتا ہے۔جہاں بڑے کھلاڑیوں نے فتوحات سمیٹیں، وہیں ہندنوستان کے لیے کچھ مایوس کن خبریں بھی رہیں۔ کدامبی سری کانت اور دیویکا سیہاگ ٹورنامنٹ سے باہر ہو گئے ہیں۔ دوسری جانب، مالویکا بنسوڈ آج اپنا راؤنڈ آف 16 کا میچ چین کی چن یوفی کے خلاف کھیلیں گی۔
