نئی دہلی،سماج نیوز سروس:تامل ناڈو میں حکومت کون بنائے گا اس کی تصویر ابھی تک واضح نہیں ہے۔108نشستوں پر فتحیاب ہوکر 234رکنی اسمبلی میں سب بڑی پارٹی بن کر ابھرنے والی ٹی وی کے پارٹی اب 112 ایم ایل اے تک پہنچ گئی ہے۔ تاہم، پارٹی اب بھی اکثریت کے لیے درکار 118 نشستوں میںسے چھ نشستیں کم ہیں۔ حکومت سازی کے سلسلے میں جاری سیاسی غیر یقینی صورتحال کے درمیان، وجے نے منگل کو گورنر راجندر وشواناتھ آرلیکر سے ملاقات کی اور حکومت بنانے کا اپنا دعویٰ پیش کیا۔میٹنگ کے بعد راج بھون کی طرف سے جاری کردہ ایک بیان میں کہا گیا ہے کہ وجے نے تسلیم کیا کہ ٹی وی کےکے پاس اس وقت اپنے طور پر حکومت بنانے کے لیے ضروری تعداد کی کمی ہے۔ مسلسل دوسرے دن ٹی وی کے کے سربراہ وجے نے گورنر راجیندر وشواناتھ ارلیکر سے ملاقات کی، لیکن گورنر نے دو ٹوک الفاظ میں کہا کہ وہ اکثریت ثابت ہونے کے بعد ہی حلف لیں گے۔ اکثریت سے پانچ سیٹیں کم ہیں، وجے کو چھوٹی پارٹیوں کی حمایت حاصل ہے۔ وی سی کے پارٹی کے موقف میں قدرے تبدیلی آئی ہے۔تمل ناڈو میں، تھالاپتی وجے کی قیادت میں ٹی وی کےنےسی پی آئی ایم اور وی سی کے پارٹیوں کی حمایت حاصل کر لی ہے، جس سے 9 مئی کو حلف برداری کی تقریب کا امکان بڑھ گیا ہے۔ وجے نے جمعہ کی شام چنئی میں گورنر راجندر وشواناتھ ارلیکر سے ملاقات کی۔ وجے کی گورنر کے ساتھ یہ تیسری ملاقات تھی۔
