دیوبند، پیر کی دیر شام جیسے ہی بلدیہ الیکشن کا اعلان ہوا تو میونسپل انتظامیہ نے پولیس فورس کے ساتھ مل کر شہر میں لگائے گئے بینر پوسٹر اور ہورڈنگز کو ہٹا دیا۔ اگرچہ بہت سے ہورڈنگز مذہبی اور اشتہارکے بھی تھے لیکن انتظامیہ نے ان سب کو ہٹا دیا۔بلدیاتی انتخابات کا نوٹیفکیشن جاری ہوتے ہی ای او کی سربراہی میں میونسپل انتظامیہ کی ٹیم شہر میں لگائے گئے ہورڈنگز کو ہٹائے۔ انتظامیہ نے شہر کے تمام اہم چوک چوراہوں بشمول ریلوے روڈ، ایم بی ڈی چوک، سبھاش چوک، مین بازار، بس اسٹینڈ، ریتی چوک، ایس ڈی ایم آفس، تحصیل، بلاک پر ہورڈنگز اور پوسٹرز ہٹانے کی مہم شروع کی۔ اس دوران ہیلتھ انسپکٹر پوپن کمار، محمد اکبر اور سندر لال کے ساتھ بلدیہ کے دیگر ملازمین موجودرہے۔ دوسرے واقع مےں محلہ کولہابستی میں واقع پرائمری نمبر پانچ میں چور دروازے توڑ کرا سکول کا سامان چوری کر کے لے گئے۔ کوتوالی میں تحریر دیتے ہوئے ا سکول کے ہیڈ ماسٹر نے پولیس کو کارروائی کرنے کامطالبہ کیاہے۔اسکول پرنسپل پرنسپل فریدی جمال نے کوتوالی میں دی گئی تحریر میں بتایا کہ جب وہ آج صبح اسکول پہنچے تو دیکھا کہ چور اسکول کے دروازے کا کچھ حصہ کاٹ کر اندر رکھی ہوئی بہت سی چیزیں چوری کر کے لے گئے ہیں۔ فریدی کے مطابق چور کمرے میںالماری میں رکھا بہت سا قیمتی سامان چوری کرلے گئے۔ الماری کے اندر رکھا سارا سامان بکھرا پڑا تھا۔ انہوں نے پولیس سے چوروں کے خلاف کارروائی کا مطالبہ کیا۔
