اترا کھنڈ :18نومبر /سماج نیوز سروس ۔اترکاشی میں سرنگ حادثے کو 150 گھنٹے سے زیادہ کا عرصہ گزر چکا ہے۔ دریں اثنا، ایک بڑا اپ ڈیٹ سامنے آیا ہے. سرنگ میں 40 نہیں بلکہ 41 مزدور پھنسے ہوئے ہیں۔ اس طرح اب سرنگ میں پھنسے بہاری مزدوروں کی تعداد پانچ ہو گئی ہے ۔یہ اطلاع سرکاری طور پر دی گئی ہے۔اس کے ساتھ ہی انتظامیہ نے سرنگ میں پھنسے مزدوروں کی نظر ثانی شدہ فہرست بھی جاری کر دی ہے ۔دریں اثنا، وزیر اعظم کے دفتر (پی ایم او) کے ڈپٹی سکریٹری منگیش گھلدیال ٹنل میں بچاؤ آپریشن کی نگرانی کے لیے موقع پر پہنچ گئے ہیں۔ ان کے علاوہ پی ایم او کے سابق مشیر بھاسکر کھلبے نے بھی جائے حادثہ کا دورہ کیا ہے۔پھنسے مزدوروں کو نکالنے کے لیے ریسکیو آپریشن جاری ہے۔ یہ کہنا مشکل ہے کہ سرنگ میں پھنسے مزدوروں کو کب بچایا جا سکے گا۔ کئی بار مشین خراب ہونے کی وجہ سے ریسکیو روکنا پڑا۔
سابق مشیر کھلبے کا کہنا ہے کہ ہم سرنگ میں پھنسے مزدوروں کو بحفاظت نکالنے کی ہر ممکن کوشش کر رہے ہیں۔ ہماری ترجیح سرنگ میں پھنسے افراد کو نکالنا ہے۔ ہم عمودی ڈرلنگ کے آپشن کو بھی تلاش کر رہے ہیں۔ اس کے علاوہ ہم غیر ملکی کنسلٹنٹس سے بھی مدد لے رہے ہیں۔ ان کا کہنا ہے کہ پی ایم مودی اس پر نظر رکھے ہوئے ہیں۔ ان کا پیغام ہے کہ اس آپریشن کو جلد از جلد مکمل کیا جائے۔ریسکیو میں مسائل آ رہی ہیں، مشینیں بند ہو رہی ہیں۔مزدوروں کو بحفاظت باہر نکالنے والی پہلی ارتھ آگر مشین تھوڑا سا کام کرنے کے بعد ناکام ہوگئی۔ اس کے بعد امریکن ارتھ آگر مشین متعارف کرائی گئی۔ کل شام اچانک مشین کی وائبریشن کے باعث کام روک دیا گیا تھا۔ اب مشین کو اندور سے چنیالیسنڈ ہوائی پٹی سے سلکیارا ٹنل تک پہنچایا گیا ہے۔ جلد ہی یہ مشین ٹنل تک پہنچ کر ریسکیو کا کام شروع کر دے گی۔آگر مشین اندور سے ہوائی پٹی پر پہنچ جاتی ہے تو پھر تقریباً 3 گھنٹے بعد یہ سرنگ میں چلا جائے گا۔ اس کے بعد انسٹالیشن ہو جائے گی۔ اس عمل میں چند گھنٹے لگ سکتے ہیں۔ اس سے اندازہ لگایا جا رہا ہے کہ بچاؤ کا کام دوپہر یا شام میں دوبارہ شروع ہو سکتا ہے۔ ان میں تکنیکی خرابیوں کی وجہ سے مشینوں کا بار بار رک جانا تشویشناک ہے۔ 2 دن تک ٹھیک سے کام کرنے کے بعد، امریکن ارتھ آگر مشین نے اچانک وائبریٹ کرنا بند کر دیا اور ریسکیو روک دیا گیا۔ ریسکیو کا کام 15 گھنٹے سے زیادہ سے رکا ہوا ہے۔واضح ہو کہ اتراکھنڈ کے اترکاشی میں ٹنل کے اندر پھنسے پہلے 40اور اب 41 مزدوروں کی زندگی بچانے کی کوششیں مسلسل کی جا رہی ہیں ۔ پھنسے ہوئے مزدوروں تک کھانا اور پانی کسی طرح پہنچایا جا رہا ہے جس سے انھیں بہت عافیت ہے۔ امید کی جا رہی ہے کہ ان مزدوروں کو ٹنل سے نکالنے کے لیے چلائے جا رہے ‘آپریشن زندگی کو کل کسی بھی وقت کامیابی مل سکتی ہے۔ یعنی کچھ گھنٹوں کے بعد مزدور کھلی ہوا میں سانس لے سکیں گے اور اپنے اہل خانہ کے ہمراہ گھر جا سکیں گے۔میڈیا رپورٹس کے مطابق امریکن آگر مشین لگاتار بورنگ کر کے ہیوم پائپ ڈال رہی ہے۔ این ایچ آئی ڈی سیل ایل ٹنل پروجیکٹ ڈائریکٹر انشو منیش کھلکو کے ذریعہ دی گئی جانکاری کے مطابق فی الحال 24 میٹر تک پائپ ڈالی جا چکی ہے۔ ان کا کہنا ہے کہ جلد ہی ریسکیو ٹیم کے اراکین دوسرے سرے تک پہنچ جائیں گے اور مزدوروں کو بہ حفاظت باہر نکال لیں گے۔ دراصل ریسکیو ٹیم اور مزدوروں کے درمیان ملبہ کی 70 میٹر چوڑی دیوار حائل ہے جس میں پائپ ڈالنے کا عمل جاری ہے۔ جب ایک بار پائپ 70 میٹر چوڑی دیوار کو پار کر جائے گا تو ایک ایک کر دوسری طرف پھنسے مزدوروں کو باہر نکالا جائے گا۔قابل ذکر ہے کہ اتراکھنڈ کے اترکاشی میں چار دھام پروجیکٹ کے تحت بن رہی ٹنل کی لمبائی تقریباً 4.5 کلومیٹر ہے۔ 12 نومبر کو صبح تقریباً 4 بجے کم و بیش 40 مزدور ٹنل کے 200 میٹر اندر کام کر رہے تھے۔ ٹھیک اسی وقت اچانک ٹنل کی مٹی بھربھراکر گر پڑی۔ مزدور جب تک کچھ سمجھ پاتے تب تک ان کے آگے تقریباً 60 میٹر ملبہ کی دیوار بن چکی تھی۔ بعد میں 10 میٹر کا ملبہ مزید گرا اور یہ دیوار 70 میٹر موٹی ہو گئی۔مزدوروں کے اترکاشی ٹنل میں پھنسنے کی خبر جب پھیلی تو ان کے گھر والوں کا برا حال ہو گیا۔ سبھی جائے وقوع کے پاس پہنچ گئے اور ایک ہنگامی صورت حال پیدا ہو گئی۔ فوری طور پر ‘آپریشن زندگی شروع کر مزدوروں کو نکالنے کا کام شروع ہو گیا، لیکن ملبہ ہٹا کر ایسا کرنا ممکن نہیں تھا۔ چونکہ ٹنل کے دوبارہ دھنسنے کا خدشہ تھا اس لیے 70 میٹر چوڑی دیوار کا ملبہ ہٹانے کی جگہ پائپ ڈالنے کا فیصلہ کیا گیا۔ سب سے پہلے ملبہ میں ڈرل کر ایک پتلی پائپ ڈالی گئی جس کے ذریعہ مزدوروں کو کھانا پانی پہنچایا جانے لگا۔ اگلے دن 35 انچ کے پائپ کو اندر ڈالنے کی کوشش کی گئی تاکہ مزدور آ سکیں، لیکن یہ کوشش ناکام ہوئی کیونکہ اسکیپ ٹنل بناتے وتق مشین خراب ہو گئی۔ 15 نومبر کو مزدوروں نے راحت کام میں لاپروائی کا الزام لگایا تو وزیر اعظم دفتر کی ہدایت پر امریکن آگر مشین کو دہلی سے بھیجا گیا۔ 16 نومبر کی شام سے یہ مشین بورنگ کر رہی ہے۔ اب امید کی جا رہی ہے کہ 18 نومبر کی صبح تک پائپ کو مزدوروں تک پہنچایا جا سکے گا۔میڈیا رپورٹس میں بتایا جا رہا ہے کہ امریکن آگر میشن کے ذریعہ جو پائپ مزدوروں تک پہنچائی جا رہی ہے اس کی چوڑائی 900 ایم ایم ہے۔ انہی پائپوں کی مدد سے مزدوروں کو باہر نکالا جائے گا۔ فی الحال 6-6 فیٹ کی 4 پائپ اندر ڈالی جا چکی ہیں۔ ان پائپوں کو آپس میں جوڑنے کے لیے ویلڈنگ کی جا رہی ہے۔ مسئلہ یہ ہے کہ ٹنل میں اب بھی ملبہ کھسک رہا ہے جس سے ریسکیو آپریشن میں مشکلیں پیدا ہو رہی ہیں۔ اچھی بات یہ ہے کہ مزدوروں تک کھانے پینے کی چیزیں پہنچائی گئی ہیں اور انھیں مطمئن کر دیا گیا ہے۔
