محمد جنیدقاسمی
گنج مرادآباد،انائو، سماج نیوز سروس: حلقہ گنج مرادآباد کے موضع فتحپور مکہ مسجد میں قائم مکتب کے 36طلبہ وطالبات نے ناظرہ قرآن کریم مکمل کیا۔ جس سے موضع مذکور میں خوشی کی لہر دوڑگئی۔،واضح رہے کہ قریب پندرہ سال سے حافظ محمد فرقان مہتمم مدرسہ عربیہ مفتاح العلوم گنج مرادآباد فتحپور کی مکہ مسجد میں جمعہ میں وعظ کرتے ہیں اور نماز ِجمعہ کی امامت بھی کرتے ہیں۔ اْنہیں کی نگرانی میں ایک مکتب بھی قائم ہے۔ جس میں گاؤں کے طلبہ وطالبات دینی تعلیم حاصل کرتے ہیں۔ان بچوں کو ناظرہ قرآن کریم اور دیگربنیادی ضروری تعلیم دی جاتی ہے۔اس موقع پر ’’تقسیم انعام‘‘کا ایک پروگرام بعد نمازِ جمعہ منعقد ہوا، جس میں گاؤں کے کافی لوگوں نے شرکت کی، اور بچوں کو انعام سے نوازاگیا، بعدازاں حافظ محمد فرقان نے خطاب کرتے ہوئے کہا کہ یہ نہایت مبارک موقع ہے، جس میں 36طلبہ وطالبات نے قرآن کریم ناظرہ مکمل کیا، بچوں کے سرپرست بھی موجود رہے، انہیں خوب مسرت ہوئی۔ بعدہ مفتی محمدجنیدقاسمی استاذ شعبۂ عربی مدرسہ عربیہ مفتاح العلوم گنج مرادآباد نے خطاب کرتے ہوئے کہا یہ بہت مسرت اور خوشی کا مقام ہے کہ اس گاؤں میں بچوں نے قرآن پاک ناظرہ مکمل کیا ہے، کہ جو ہم سب کے لیے سعادت کی بات ہے۔ حدیث میں آتا ہے جو شخص ناظرہ قرآن کریم مکمل کرلیتا ہے،اس کے والدین کے اگلے پچھلے سب گناہ معاف کردیے جاتے ہیں، بعدازاں مولاناسفیان مظاہری استاذ شعبہ حفظ مدرسہ عربیہ مفتاح العلوم گنج مرادآباد نے خطاب کرتے ہوئے قر آ ن کریم!یہ اللہ پاک کا کلا م ہے، جو دین و دنیا کے لئے کامل تر ین ہد ایت جا مع دستور اور نو ر کامل ہے، قر آ ن کریم ہی ہے.جب کہ تمام عالم کفر و ضلا لت اور جہا لت کی تا ر یکیوں میں گھرا ہو ا تھا، یہ نو ر کامل فاران کی چوٹیوں سے آ فتاب عالم تاب بن کر روشن ہو ا، جس نے تھو ڑے ہی عر صے میں دنیا کو نو ر ہدا یت سے منو ر کر دیا،مکہ کی خشک اور بے آ ب و گیاہ پہاڑیوں سے ایسی بے پایاں رحمت کے چشمے پھوٹے کہ تمام عالم سر سبز و شاداب ہوگیا۔
پروگرام کا آغاز حافظ محمد قاسم کی تلاوت سے ہوا، نعت کا نذرانہ حافظ محمد شعیب نے پیش کیا۔ اس موقع پر مولوی شریف الحسن امام مسجد مکہ، حاجی شرافت علی،عبدالقیوم۔ حاجی نسیم، عبدالقیوم،محمد معراج، محمد افتخار،منو، محمد عارف، ظفرالدین، پرویز، محمداسلم، محمد ہاشم، محمد شمیم، محمد ناظم،وغیرہ موجود رہے۔
