پھلواری شریف (17 دسمبر 2023)پ ہمارا سماج:امارت شرعیہ بہار، اڈیشہ وجھارکھنڈ ایک خالص اسلامی فکر اور ملت اسلامیہ کا عظیم سرمایہ ہے، جسے ایک سو سال قبل حضرت مولانا ابو المحاسن محمد سجاد علیہ الرحمہ نے ملک کے اکابرین علماء،دانشوران واساطین امت کے مشورہ سے قائم فرمایا۔ الحمد للہ اس وقت مذکورہ تمام ریاستوں کے مسلمان متحد ہو کر ایک امیر شریعت کی ماتحتی میں اسلامی نظام کے فکر کے مطابق شرعی زندگی گذار رہے ہیں۔موجودہ وقت میں امارت شرعیہ بہار، اڈیشہ وجھارکھنڈ کے امیر شریعت حضرت مولانا احمد ولی فیصل رحمانی دامت برکاتہم کی امارت وقیادت میں ملت اسلامیہ اپنی زندگی گذار رہی ہیں، خاص طور سے مذکورہ ریاستوں کے مسلمانان مکمل سمع وطاعت کے ساتھ امیر شریعت کی ہدایات پر عمل کر رہے ہیں۔ مورخہ 14دسمبر 2023کو جھارکھنڈ میں مجلس علماء جھارکھنڈ کے بینر تلے دوسرے ایجنڈے پر بلائے گئے اجلاس میں مفتی نذر توحید صاحب نے امارت کو غیر مستحکم کرنے کی کوشش کی جس کو وہیں پر مجلس علماء جھارکھنڈ اور وہاں پہنچے علماء کرام نے فورا مسترد کر دیا اور اپنی برأت کا بھی اعلان کیا. مسلمانوں کے خلاف اس سازش کو کامیاب ہونے سے پہلے ہی اللہ سبحانہ و تعالی نے اسے ناکام بنا دیا، الحمدللہ جملہ قضاۃ ریاست جھارکھنڈ محمد انور قاسمی قاضی شریعت دار القضاء امارت شرعیہ کربلا ٹینک روڈ رانچی،جھارکھنڈ، محمد سعود عالم قاسمی قاضی شریعت دارالقضاء امارت شرعیہ آزاد نگر، جمشید پور،جھارکھنڈ،محمد شاہد قاسمی قاضی شریعت دار القضاء امارت شرعیہ واسع پور دھنباد،جھارکھنڈ،محمد کلیم اللہ مظہرقاضی شریعت دار القضاء امارت شرعیہ چتر پور وبوکارو،جھارکھنڈ،سید طاہر حسین ندوی نائب قاضی شریعتدار القضاء امارت شرعیہ بوکارو،جھارکھنڈ،محمد ثناء اللہ قاسمی قاضی شریعت دار القضاء امارت شرعیہ ہزاری باغ،جھارکھنڈ،محمد نظام الدین قاسمی قاضی شریعت دار القضاء امارت شرعیہ جامتاڑا،جھارکھنڈ، نسیم اختر قاسمی قاضی شریعت دار القضاء امارت شرعیہ کوڈرما،جھارکھنڈ،مختار عالم قاسمی قاضی شریعت دار القضاء امارت شرعیہ سمڈیگا،جھارکھنڈ،محمد عمر فاروق مظاہری قاضی شریعت دار القضاء امارت شرعیہ لوہردگا،جھارکھنڈ،محمد سراج الدین مظاہری قاضی شریعت دار القضاء امارت شرعیہ گورگاواں گڈا، جھارکھنڈ، محمد صدام قاسمی قاضی شریعت دار القضاء امارت شرعیہ صاحب گنج،جھارکھنڈ،محمد عمران قاسمی قاضی شریعت دار القضاء امارت شرعیہ مدھو پور، دیوگھر،جھارکھنڈ، محمد ابو صالح قاسمی قاضی شریعت دار القضاء امارت شرعیہ گریڈیہہ،جھارکھنڈ،عبد الاحد قاسمی قاضی شریعت دار القضاء امارت شرعیہ سیسئی ضلع گملا،جھارکھنڈنے تحریری طور پراقرار کیا کہ ہم تمام قضاۃ امیر شریعت حضرت مولانا سید احمد ولی فیصل رحمانی صاحب مدظلہ کی بیعت امارت پر قائم ہیں اور ان شاء اللہ تادم حیات قائم رہیں گے۔اس بات کا پختہ عہد کرتے ہیں اور ہم تمام علماء، مشائخ، ائمہ، دانشوران اور عوام الناس سے التماس کرتے ہیں اسلامی فکر کے ساتھ رہیں اور اللہ کو نصرت دیں تاکہ اللہ ہمیں نصرت دے نیز امارت کو کمزور کرنے والے تمام فتنے اور انتشار سے دور رہیں۔
