تیسری بار بھی منتخب نہیں کیا جاسکا میئر اور ڈپٹی میئر، ’آپ‘جائے گی سپریم کورٹ

نئی دہلی: دہلی میں آج تیسری بار میئر، ڈپٹی میئر اور اسٹینڈنگ کمیٹی کا انتخاب ملتوی ہو گیا۔ ایوان میں ہنگامہ کی وجہ سے کارروائی ملتوی کر دی گئی اور کہا گیا کہ میئر، ڈپٹی میئر اور اسٹینڈنگ ممبرس کا انتخاب اگلی تاریخ پر ہوگا۔ اس عمل سے عام آدمی پارٹی (عآپ) انتہائی ناراض نظر آ رہی ہے اور ایم سی ڈی میئر الیکشن کرائے جانے کے مطالبہ کو لے کر سپریم کورٹ جانے کا اعلان کر دیا ہے۔ عآپ لیڈر آتشی نے کہا کہ سپریم کورٹ کی نگرانی میں انتخاب ہو، اس مطالبہ کو لے کر آج ہی سپریم کورٹ میں عرضی دی جائے گی۔میئر اور ڈپٹی میئر کا انتخاب ایک بار پھر ملتوی ہونے پر عآپ کی میئر امیدوار شیلی اوبرائے نے بی جے پی کو شدید تنقید کا نشانہ بنایا ہے اور کہا ہے کہ آئین کے مطابق الیکشن کرانا یہ (بی جے پی) چاہتی ہی نہیں۔ یہی وجہ ہے کہ نامزد کونسلروں کو دھوکے سے ووٹنگ کا اختیار دیا جا رہا ہے۔ شیلی نے الزام عائد کیا کہ یہ بے حد غلط ہے اور اس کے لیے پہلے بھی ہم سپریم کورٹ گئے تھے اور اب پھر سے جا رہے ہیں۔عآپ رکن اسمبلی کلدیپ کمار کا کہنا ہے کہ ’’بی جے پی نے پہلے ہی طے کر لیا ہے کہ آئین کے حساب سے کچھ نہیں ہوگا۔ جس کی وجہ سے یہ لوگ اپنی منمانی پر اتر آئے ہیں۔‘‘ ایک دیگر رکن اسمبلی راجیش نے کہا کہ ’’ہم کو معلوم تھا کہ ایسا ہی ہوگا اور وہی ہوا بھی۔ یہ لوگ طے کر کے پہنچے تھے کہ انتخاب نہیں ہونے دیں گے اور انھوں نے ایسا ہی کیا۔‘‘واضح رہے کہ دہلی میونسپل کارپوریشن ایکٹ 1957 کے تحت میئر اور ڈپٹی میئر کا انتخاب میونسپل کارپوریشن ایوان کی پہلی میٹنگ میں ہی ہو جانا چاہیے۔ حالانکہ میونسپل کارپوریشن انتخاب ہوئے دو ماہ کا عرصہ گزر چکا ہے، لیکن اب تک شہر کو نیا میئر نہیں ملا ہے۔ ایم سی ڈی ایوان کی میٹنگ 6 جنوری اور 24 جنوری کو ہوئی تھی لیکن دونوں بار بی جے پی و عآپ کونسلروں کے ہنگامہ کی وجہ سے پریزائڈنگ افسر نے میئر الیکشن کرائے بغیر ہی کارروائی ملتوی کر دی تھی۔
عام آدمی پارٹی کے سینئر لیڈر سنجے سنگھ نے کہا کہ دہلی کے عوام نے ایم سی ڈی میں عام آدمی پارٹی کو اکثریت دی ہے لیکن بی جے پی اسے حکومت نہیں بنانے دے رہی ہے۔ بی جے پی کے لوگ اسمبلی-لوک سبھا انتخابات میں ہارنے کے بعد غنڈہ گردی کرکے انہیں وزیراعلیٰ اور وزیراعظم نہیں بننے دیں گے۔ آئین اور ڈی ایم سی لکھا ہے کہ بزرگ ووٹ نہیں دیں گے۔ لیکن پریزائیڈنگ آفیسر نے اسے نظرانداز کرتے ہوئے تینوں انتخابات ایک ساتھ کرانے کا کہا۔ کیا LG-BJP ہندوستان کے آئین کا فیصلہ کرے گی؟ایل جی کے پریذائیڈنگ آفیسر نے میئر کا انتخاب کرانا تھا۔ اس کے بعد منتخب میئر ڈپٹی میئر اور قائمہ کمیٹی کا انتخاب کرائے گا۔ یہ بی جے پی اور لیفٹیننٹ گورنر کا ملا جلا کھیل ہے۔ یہ ایل جی ہی تھے جنہوں نے روایات کے خلاف جا کر انہیں بی جے پی کا پریزائیڈنگ آفیسر بنا دیا۔