پرویز وانی
سرینگر ،سماج نیوز سروس:واد ی کشمیر کو ریل سروس کے ذریعے جوڑنے کا خواب آخر کار شر مند تعبیر ہونے والا کیونکہ سرینگر سے جموں تک براہ راست وندے بھارت 30اپریل سے چلے گی ۔تفصیلات کے مطابق شمالی ریلوئے نے اہم پیش رفت میں اعلان کیا ہے کہ سرینگر سے جموں تک براہ رست وندے بھارت ریل سروس 30اپریل سے شروع ہو گی ۔ شمالی ریلوے 30 اپریل 2026 کو جموں توی تک توسیعی وندے بھارت ایکسپریس کے افتتاحی رن کو جھنڈی دکھائے گا، جس سے جموں و کشمیر میں ریل رابطے میں ایک اہم پیشرفت ہوگی۔بڑودہ ہاؤس، نئی دہلی سے جاری کردہ ایک سرکاری حکم کے مطابق ویشنو دیوی کٹرا اور سرینگر کے درمیان ٹرین نمبر 26401 اور 26402 کی توسیع ایک خصوصی افتتاحی سروس کے طور پر کام کرے گی۔ افتتاحی ٹرین جموں توی سے ٹرین نمبر 02601 کے طور پر چلے گی۔انہوں نے کہا کہ ٹرین جموں توی سے صبح 10بجکر 30منٹ پر روانہ ہوگی اور 11بجکر 45منٹ پر ماتا ویشنو دیوی کٹرا پہنچے گی۔ بورڈنگ اور ڈی بورڈنگ کی اجازت دینے کیلئے یہ وہاں پانچ منٹ رکے گا۔ اس کے بعد سروس کشمیر کی طرف بڑھے گی اور 2بجکر 25منٹ پر بجبہاڑہ میں آپریشنل ہولٹ کے لیے رکے گی جس کے بعد ٹرین آخر کار 3بج کر 05منٹ پر سرینگر پہنچے گی۔ریلوے حکام نے بتایا کہ ٹرین 20 کوچ والے وندے بھارت ریک کے ساتھ چلے گی اور افتتاحی سفر کے دوران کل 266.66 کلومیٹر کا فاصلہ طے کرے گی۔ سروس کو وندے بھارت افتتاحی خصوصی کے طور پر درجہ بندی کیا گیا ہے۔انہوں نے کہا کہ افتتاحی رن جموں توی سے خصوصی ٹرین کے طور پر چلائے گی، اور تمام متعلقہ ڈویژنوں بشمول دہلی، فیروز پور، امبالہ مراد آباد اور لکھنؤ کو تفصیلی ہدایات جاری کر دی گئی ہیں تاکہ کام کو آسانی سے چلایا جا سکے۔ریلوے حکام کے مطابق ٹرین کے باقاعدہ شیڈول کا اعلان افتتاحی رن کے بعد الگ سے کیا جائے گا۔توقع ہے کہ اس توسیع سے سفری سہولت میں بہتری آئے گی، سفر کا وقت کم ہوگا، اور جموں و کشمیر کے درمیان ریل رابطہ مضبوط ہوگا، جس سے مسافروں، سیاحت اور علاقائی نقل و حرکت کو فائدہ ہوگا۔
