دیوبند، نگر پالیکا انتخابات جیسے جیسے نزدیک آرہے ہیں امیدواروں نے اپنی پوری طاقت جھونک دی ہے، اسی سلسلہ میں سہارنپور دیہات اسمبلی حلقہ کے اسمبلی رکن آشو ملک نے کہا کہ شہر کی بدحال صورت حال میں سدھارکرنے اور مذہب اور ذات برادری میں تقسیم کرنے والے لوگوں کو سبق سکھانے کے لئے یہ انتخاب لڑا جارہا ہے تاکہ سہارنپور شہر کی ترقی کی جاسکے۔ ان خیالات کا اظہار اسمبلی رکن آشو ملک منڈی سمیتی روڈ پر واقع حاجی دلشاد لڈو کی آرا مشین پر نگر پالیکا انتخاب میں میئر عہدے کے امیدوار نور حسن ملک کے انتخابی دفتر کا افتتاح کرتے ہوئے کیا۔ قبل ازیں اسمبلی رکن آشو ملک ، اسمبلی رکن عمر علی خان، ایم ایل سی شاہنواز خان، سابق اسمبلی رکن منوج چودھری ، سماج وادی پارٹی کے ضلع صدر چودھری عبدالواحد، راشٹریہ لوک دل کے ضلع صدر راؤ قیصر سلیم ، سماج وادی پارٹی کے ریاستی سکریٹری چودھری رودر سین ، سابق ریاستی وزیر سرفراز خان نے مشترکہ طو رپر انتخابی دفتر کا افتتاح کیا۔ اس دوران انہوں نے کہا کہ یہ انتخاب سہارنپور شہر کی بدحال صورت حال اور نامکمل ترقیاتی کاموں میں سدھار کئے جانے کے لئے لڑا جارہا ہے تاکہ عوام کو بنیادی سہولیات سڑک، بجلی، پانی سمیت دیگر سہولیات مہیا کرائی جاسکے۔ انہوں نے کہا کہ گزشتہ پانچ سالوں میں بی جے پی کے میئر نے صرف عوام کو گمراہ کرکے اپنی ترقی کرنے کا کام کیا۔ اس لئے آج شہر پوری طرح بنیادی سہولیات سے محروم ہے۔ سابق اسمبلی رکن مسعود اختر ، مظاہر مکھیا، مظاہر رانا، سابق ریاستی وزیر لیاقت علی اور ریاستی وزیر مانگے رام کیشپ نے کہا کہ یہ انتخاب شہر کی تقدیر اور تصویر بدلنے کا ہے، اس کے لئے عوام کو سوچ سمجھ کر اپنے ووٹ کا استعمال کرنا ہوگا تاکہ مستقبل میں انہیں اپنی غلطی کا احساس نہ ہو۔ انہوں نے سبھی لوگوں سے اپیل کرتے ہوئے کہا کہ سہارنپور شہر کی ترقی اور مسائل کے حل کے لئے سماج وادی پارٹی کو اپنی حمایت دینے کا اعلان کریں ۔ ونود تیجیان چودھری ، چودھری جاں نثار ایڈوکیٹ ، سہارنپور شہر صدر اعظم شاہ ، فرہاد گاڑا، سابق سہارنپور شہر صدر فیصل سلمانی ، ڈاکٹر شاداب انصاری، پرویز انصاری، منظور انصاری، اسرار ، حسین قریشی، جمشید علی، پرویش پردھان، روہت رانا، ارشاد سلمانی، رضوان سلمانی وغیرہ نے بھی خطاب کیا۔ اس موقع پر ریحان خان، راج کمار، امریش ، نوشاد، نور عالم، گڈو چاند، احسان، شاہنواز، ارشاد وغیرہ موجود رہے۔
