سید پرویز قیصر
انڈین پریمیر لیگ میں بہت سے بلے باز سنچریاں بنانے میں کامیاب رہے ہیں مگر پانچویں نمبر پر بلے بازی کرتے ہوئے کرتے چار کھلاڑیوں نے سنچریاں بنائی ہیں۔احمد آباد میں20 اپریل2026 کو ہوئے میچ میں ممبئی انڈینس کے تلک ورما نے پانچویں نمبر پر بلے بازی کرتے ہوئے78 منٹ میں45 بالوں پرآٹھ چوکوںاور سات چھکوں کی مدد سے آوٹ ہوئے بغیر101 رن بنائے اور اپنی ٹیم کو99 رن سے جیت دلائی۔ ممبئی انڈینس نے مقررہ20 اوور میں پانچ وکٹ پر 199 رن بنانے کے بعد گجرات ٹائٹنس کو15.5 اوور میں پورے سو رن پر آوٹ کرکے میچ 99 رن سے جیتا۔ جس وقت تلک ورما بلے بازی کرنے آئے تھے اس وقت ممبئی انڈینس کا اسکور5.5 اوور میں تین وکٹ پر 44 رن تھا۔ انہوں نے اننگ کی ابتدا کافی سست کی مگر بعد میں وہ ممبئی انٖڈینس کی جانب سے مشترکہ طور پر سب سے تیز سنچریی بنانے میں کامیاب ہوئے۔
پانچویں نمبر پر بلے بازی کرتے ہوئے سب سے بڑا اسکور بنانے کا اعزاز بین اسٹوکس کے پاس ہے جنہوں نے رائسنگ پونہ سپر جائنٹس کی جانب سے کھیلتے ہوئے گجرات لا ئنس کے خلاف پونہ میں یکم مئی2017 کو ہوئے میچ میں85 منٹ میں63 بالوں پر سات چوکوں اور چھ چھکوں کی مدد سے آوٹ ہوئے بغیر103 رن بنائے تھے اور اپنی ٹیم کی پانچ وکٹ کی جیت میں ایک اہم کردار ادا کیا تھا۔ پہلے بلے بازی کرتے ہوئے گجرات لائنس کے سبھی کھلاڑی 19.5 اوور میں161 رن بناکر آوٹ ہوگئے تھے جس کے جواب میں رائسنگ پونہ سپر جائنٹس نے19.5 اوور میں پانچ وکٹ پر 167 رن بناکر میچ جیتا تھا۔ بین اسٹروکس نے آخری اوور کی پانچویں بال پر چھکا لگالر اپنی ٹیم کو فتح سے ہمکنار کرایا تھا۔
جنوبی افریقہ کے ڈیوڈ ملر کو بھی انڈین پریمیر لیگ میں پانچویں نمبر پر بلے بازی کرتے ہوئئے سنچری بنانے کا اعزاز حاصل ہے۔ انہوں نے رائل چیلنجرس بنگلورو کے خلاف پنجاب کنگس کی نمائندگی کرتے ہوئے مہالی میں6 مئی2013 کو ہوئے نیچ میں54 منٹ میں38 بالوں پر آٹھ چوکوں اور سات چوکوں کی مدد سے آوٹ ہوئے بغیر101 رن بنائے تھے اور اپنی ٹیم کو چھ وکٹ کی جیت دلانے میں ایک اہم کردار ادا کیا تھا۔ اس میچ میں رائل چیلنجرس بنگلورو نے پہلے بلے بازی کرتے ہوئے مقررہ20 اوور میں تین وکٹ پر 190 رن بنائے تھے، پنجاب کنگس نے18 اوور میں چار وکٹ پر194 رن بناکر میچ چھ وکٹ سے جیت لیا تھا۔اٹھارویں اوور کی آخری بال پر جو کریس گیل نے کرائی تھی، ڈیوٖڈ ملر نے ایک شاندار چھکا لگاکرپنی ٹیم کو جیت دلائی تھی۔
یوسف پٹھا ن نے راجستھان رائلز کی جانب سے کھیلتے ہوئے ممبئی انڈینس کے خلاف ممبئی میں13 مارچ2010 کو ہوئے میچ میں پانچویں نمبر پر بلے بازی کرتے ہوئے37 بالوں پر نو چوکوں اور آٹھ چھکوں کی مدد سے پورے سو رن بنائے تھے۔ یہ تب انڈین پریمیر لیگ میں سب سے تیز سنچری تھی اب یہ تیسری سب سے تیز سنچری ہے۔ اس میچ میں ممبئی انڈینس نے پہلے بلے بازی کرتے ہوئے مقررہ20 اوور میں چھ وکٹ پر 212 رن بنائے تھے۔9.2 اوور میں راجستھان رائلز کے چار کھلاڑی جب 66 رن پر آوٹ ہوگئے تھے تو ممبئی انڈینس کو اپنی جیت ااسان نظر آرہی تھی مگر نئے بلے باز یوسف پٹھان نے دھواں دھار بلے باز کا مظاہرہ کرتے ہوئے اپنی ٹیم کو جیت دلانے میں ایک اہم کردار ادا کیا۔
