سرینگر، ٹنل کے آر پار ہوئی مسلسل بارشوں کے باعث سرینگر جموں شاہراہ پر بانہال کے مقام پر پسیاں گر آنے کے نتیجے میں شاہراہ رات بھر ٹریفک کی آمد رفت کیلئے بند رہی جس کے بعد اعلیٰ صبح شاہراہ کو قابل آمد رفت بنا کر ٹریفک کی نقل و حمل دوبارہ بحال ہوئی ۔ اس ضمن میں نمائندے نے قاضی گنڈ سے تفصیلات فراہم کرتے ہوئے بتایا کہ رات بھر ہوئی موسلادار بارشوں کے نتیجے میں سرینگر جموں شاہراہ کے کئی مقام پرمٹی کے تودے گر آئیں جس کے نتیجے میں ٹریفک کی آمد رفت بند ہوئی ۔ انہوں نے بتایا کہ بانہال کے مقام پر مٹہ کے تودے گر آئی جس کے بعد مسافروں کے جان و مال کی حفاظت کے پیش نظر شاہراہ پر ٹریفک بند کر دیا گیا اور مشینری کو کام پر لگایا گیا جنہوں نے رات بھر خراب موسم کے چلتے ٹریفک کی نقل و حرکت بحال کرنے کیلئے کام جاری رکھا اور جمعرات کی اعلیٰ الصبح شاہراہ کو قابل آمد رفت بنا کر ٹریفک دوبارہ بحال کر دیا گیا ۔ نمائندے نے محکمہ ٹریفک کا حوالہ دیتے ہوئے بتایا کہ مسلسل بارشوں کے باعث سرینگر جموں شاہراہ پر مٹی کے تودے گر آنے کے باعث رات بھر ٹریفک کی آمد رفت بند ہونے کے بعد جمعرات کی صبح گاڑیوں کی آمد رفت بحال کر دی دی گئی ۔
محکمہ ٹریفک کے مطابق گزشتہ رات شاہراہ کے دونوں اطراف سے ٹریفک کی آمد و رفت بند کر دی گئی تھی جب بانہال کے شالگاری کے قریب لینڈ سلائیڈنگ سے سڑک بند ہو گئی تھی۔انہوں نے کہا کہ رات کے وقفے کے دوران تقریباً 300 گاڑیاں ہائی وے پر پھنسی رہیں۔جبکہ ٹریفک اب بحال ہو چکی ہے اور پھنسے ہوئے گاڑیوں کو ترجیحی بنیادوں پر کلیئر کیا جا رہا ہے۔محکمہ ٹریفک نے مسافروں سے تاکید کی ہے کہ وہ شاہراہ پر سفر کرنے سے قبل ٹریفک کی حالت کے بارے میں جانکاری ضرور حاصل کریں ۔
