سید پرویز قیصر
ویسٹ انڈیز کی ٹیم ٹونٹی ٹونٹی عالمی کپ کے سپر آٹھ مرحلہ میں اپنا پہلا میچ انگلینڈ کے خلاف گروس آئسلیٹ میں جمعرات ( 19جون) کو کھیلا جائے گا۔ ویسٹ انڈیز نے گروپ سی میں پہلا مقام حاصل کرنے کے بعد سپر آٹھ میں جگہ بنائی ہے جبکہ انگلینڈ نے گروپ بی میں دوسرا مقام حاصل کرکے آخری آٹھ ٹیموں میں کھیلنے کا اعزاز حاصل کیا ہے۔
انگلینڈ اور ویسٹ انڈیز کے درمیان ٹونٹی ٹونٹی عالمی کپ میں ہونے والا یہ ساتواں اور کل ملاکر30 واں ٹونٹی ٹونٹی بین الاقوامی میچ ہوگا۔ دونوں کے درمیان ابھی تک جو29 ٹونٹی ٹونٹی بین الاقوامی میچ ہوئے ہیں اس میں ویسٹ انڈیز نے17 میچ اور انگلینڈ نے گیارہ میچ جیتے ہیں۔ ویسٹ انڈیز نے ٹونٹی ٹونٹی عالمی کپ میں انگلینڈ کے خلاف چھ میچوں میں سے پانچ میچ جیتے ہیں۔ انگلینڈ نے صرف ایک میچ میں جیت اپنے نام کی ہے۔
دونوںکے درمیان جو آخری پانچ ٹونٹی ٹونٹی بین الاقوامی میچ ہوئے ہیں اس میں ویسٹ انڈیز نے تین اور انگلینڈ نے دو میں کامیابی حاصل کی ہے۔21 دسمبر 2023 کوتروبامیں جو آخری ٹونٹی ٹونٹی بین الاقوامی میچ دونوں کے درمیان ہوا تھا اس میں ویسٹ انڈیز نے چار رن سے جیت اپنے نام کی تھی۔ ٹاس ہارنے کے بعد پہلے بلے بازی کرتے ہوئے انگلینڈ کے سبھی کھلاڑی 19.3 اوور میں 132 رن بناکر آوٹ ہوگئے تھے۔ویسٹ انڈیز نے 19.2 اوور میں چھ وکٹ پر 133 رن بناکر میچ میں جیت اپنے نام کی تھی۔
برج ٹاون میں26 جنوری2022 کو ہوئے میچ میں ویسٹ انڈیز نے مقررہ 20 اوور میں پانچ وکٹ پر 224 رن بنائے تھے جو اس کا انگلینڈ کے خلاف سب سے زیادہ اسکور ہے۔ انگلینڈ کا ویسٹ انڈیز کے خلاف سب سے زیادہ اسکور20 اوور میں تین وکٹ پر267 رن ہے جو اس نے تروبا میں 19 دسمبر2023 کو بنایا تھا۔
ویسٹ انڈیز کے سبھی کھلاڑی بیسیٹری میں8 مارچ2019 کو ہوئے میچ میں11.5 اوور میں45 رن بناکر آوٹ ہوئے تھے جو اس کا انگلینڈ کے خاف سب سے کم اسکور ہے۔ انگلینڈ کا ویسٹ انڈیز کے خلاف سب سے کم اسکور16.4 اوور میں88 رن ہے جو اس نے اوول میں25 ستمبر2011 کو بنایا تھا۔
رومین پاول نے برج ٹاون میں26 جنوری2022 کو ہوئے میچ میں71 منٹ میں53 بالوں پر چار چوکوں اور دس چھکوں کی مدد سے107 رن بنائے تھے جو ویسٹ انڈیز کی جانب سے انگلینڈ کے خلاف سب سے بڑا انفرادی اسکور ہے۔ انگلینڈ کی جانب سے ویسٹ انڈیز کے خلاف سب سے بڑا انفرادی اسکور کرنے کا ریکارڈ فل سالٹ کے پاس ہے جنہوں نے تروبا میں 19 دسمبر2023 کو کھیلے گئے میچ میں 80 منٹ میں 57بالوں پر سات چوکوں اور دس چھکوں کی مدد سے119 رن بنائے تھے۔
برج ٹاون میں30 جنوری2022 کو ہوئے میچ میں جیسن ہولڈر نے2.5 اوور میں27 رن دیکر پانچ کھلاڑیوں کو آوٹ کیا تھا جو ویسٹ انڈیز کی جانب سے انگلینڈ کے خلاف سب سے اچھی بالنگ کارکردگی ہے۔ انگلینڈ کی جانب سے یہ ریکارڈ عادل رشید کے پاس ہے جنہوں نے دوبئی میں23 اکتوبر2021 کو2.2 اوور میں دو رن دیکرچار کھلاڑیوں کو آوٹ کیا تھا۔
