سید پر ویز قیصر
بر ج ٹاون میں اسکاٹ لینڈ اور انگلینڈ کے درمیان ہوا میچ بارش کی وجہ سے مکمل نہیں ہوسکا مگر دس اوور کے کھیل میں اسکاٹ لینڈ کے افتتاحی بلے بازوں نے پہلے وکٹ کی شراکت میں علیحدہ ہوئے بغیر90 رن بناکر اپنی ٹیم کیلئے پہلے وکٹ کی ٹونٹی ٹونٹی عالمی کپ میں سب سے بڑی اور کل ملاکر دوسری سب سے بڑی شراکت کرڈالی۔
ٹونٹی ٹونٹی عالمی کپ میں ابھی تک چودہ میچ نامکمل رہے ہیں۔ اسکاٹ لینڈ کا یہ دوسرا میچ تھا جو بارش کی وجہ سے مکمل نہیں ہوسکا جبکہ انگلینڈ کا بھی یہ نامکمل رہنے والا دوسرا میچ تھا۔ ہندوستان اور اسکاٹ لینڈ کے درمیان13 ستمبر2007 کو ڈربن میں ہوا میچ مکمل طور پر بارش کی نذر ہوا تھا۔ اس میچ میں ٹاس کے بعد اینی تیز بارش ہوئی کہ میچ کو ملتوی کرنا پڑا۔ انگلینڈ کو جو پہلا میچ ٹونٹی ٹونٹی عالمی کپ میں ہوا تھا وہ پروڈینس میں4 مئی2010 کو پروڈینس میں کھیلا گیا تھا۔ اس میچ میں انگلینڈ نے پہلے بلے بازی کرتے ہوئے مقررہ20 اوور میں آٹھ وکٹ پر 120 رن بنائے تھے۔ آئیر لینڈ نے3.3 اوور میں ایک وکٹ پر 14 رن بنائے تھے جس کے بعد بارش کی مداخلت کے بعد میچ روک دیا گیاتھا۔
انگلینڈ کے خلاف اسکاٹ لینڈ نے ٹاس جیت کر پہلے بلے بازی کی تھی اوور دس اوور میں کسی نقصان کے بغیر90 رن بنائے تھے۔اسکاٹ لینڈ کی اننگ اسی اسکور پر ختم کردی گئی تھی۔ انگلینڈ کی اننگ شروع ہونے سے پہلے بارش پھر ہوئی اور میچ کو وہیں ختم کردیا گیا۔ جارج مونسے نے46 منٹ میں31 بالوں پر چار چوکوں اور دو چھکوں کی مدد سے41 رن بنائے جبکہ مائیکل جونس46 منٹ میں30 بالوں پر چار چوکوں اور دو چھکوں کی مدد سے45 رن بنانے میں کامیاب رہے۔ دونوں کھلاڑی ناٹ آوٹ واپس گئے۔ یہ شراکت اسکاٹ لینڈ کے کئے عالمی کپ میں پہلے وکٹ کیلئے سب سے بڑی اور کل ملاکر دوسری سب سے بڑی شراکت تھی۔
ٹونٹی ٹونٹی عالمی کپ میں اسکاٹ لینڈ کیلئے سب سے بڑی زراکت کا ریکارڈ متھیو کروس اوررچی برنگٹن کے پاس ہے۔ ان دونوں کھلاڑیوں نے پاپوا نیو گنی کے خلاف الامارت میں19 اکتوبر 2021 کو ہوئے میچ میں تیسرے وکٹ کی شراکت میں10.5 اوور میں92 رن جوڑے تھے۔ اسکاٹ لینڈ کا دوسرا وکٹ26 رن کے مجموعی اسکور پر گرا تھا جس کے بعد یہ شراکت ہوئی تھی۔ متھیو کروس کے آوٹ ہونے کی وجہ سے یہ شراکت ٹوٹی تھی جو52 منٹ میں36 بالوں پر دو چوکوں اور دو چھکوں کی مدد سے45 رن بناکر آوٹ ہوئے تھے۔ انکے آوٹ ہونے کے بعد رچی برنگٹن نے اپنی اننگ جاری رکھی اور وہ66 منٹ میں49 بالوں پر چھ چوکوں اور تین چھکوں کی مدد سے70 رن بناکر آوٹ ہوئے۔اس شراکت کی بدولت اسکاٹ لینڈ نے مقررہ20 اوور میں نو وکٹ پر165 رن بنائے تھے۔ پاپوا نیو گنی کے سبھی کھلاڑی 19.3 اوور میں148 رن بناکر آوٹ ہوگئے تھے جسکی وجہ سے ان کو اس میچ میں17 رن سے شکست ہوئی تھی۔
اسکاٹ لینڈ کی جانب سے ٹونٹی ٹونٹی عالمی کپ میں پہلے وکٹ کی سب سے بڑی شراکت کا سابقہ ریکارڈ جارج مونسی اور کائل کوئٹزر کے پاس تھا۔ان دونوں کھلاڑیوں نے افغانستان کے خلاف ناگپور میں 8 مارچ2016 کو ہوئے میچ میں8.5 اوورمیں84 رن کی شراکت کی تھی۔ اس میچ میں اٖفغانستان کو 14 رن سے کامیابی ملی تھی۔
