سید پرویزقیصر
ٹونٹی ٹونٹی بین الاقوامی کرکٹ میں ابھی تک ساٹھ مرتبہ ایسا ہوا یے جب میچ کی پہلی بال پر کوئی کھلاڑی آوٹ ہوا ہے۔اس میں سے صرف دو مرتبہ بلے باز پہلی بال پر رن آوٹ ہوا ہے۔ افغانستان اور ویسٹ انڈیز کے مابین دوبئی میں ہوئے تین ٹونٹی ٹونٹی بین الاقوامی میچوں کی سریز کے پہلے میچ میں افغانستان کے رحمت اللہ گرباز میچ کی پہلی بال پرگداکش موتی کی ڈائریکٹ تھرو پر رن نان اسٹرائیکراینڈپرآوٹ ہوئے ،افغانستان کی اننگ کی شروعات وکٹ گرنے سے ہوئی تھی جبکہ اننگ کا اختتام بھی وکٹ کے ساتھ ہوا۔ اننگ کی آخری بال پردرویش رسولی کو میتھو فورڈے کی بال پرشمرن ہیٹ مائر نے کیچ کیا تھا۔ نیچ کی پہلی بال پروکٹ گنوانے کے باوجود اٖٖفغانستان نے اس میچ میں38 رن سے کامیابی اپنے نام کی تھی۔
اس سے پہلے ٹونٹی ٹونٹی بین الاقوامی کرکٹ میں میچ کی پہلی بال پر رن آوٹ ہونے والے واحد کھلاڑی آئیرلینڈ کے پال اسٹیرلنگ تھے۔ کینیا کے خلاف ممبوسا میں24 فروری2012 کو ہوئے میچ میں انہیںہارن وارائیا نے رن آوٹ کیا تھا۔ وہ کوئی بال کھیلے بغیر رن آوٹ ہوئے تھے۔اس میچ میں آئیرلینڈ کو دو رن سے شکست ہوئی تھی۔
ٹونٹی ٹونٹی بین الاقوامی کرکٹ میں میچ کی پہلی بال پر آوٹ ہونے والے بازکنیڈا کے آصف ملا تھے جو زمبابوے کے خلاف کنگ سٹی میں11 اکتوبر2008 کو ہوئے میچ میں تیز بالر ایلٹن چتگومبورا کی بال پر بولڈ ہوئے تھے۔ یہ میچ ٹائی رہا تھا۔
رحمت اللہ گرباز سے پہلے افغانستان کے دو بلے باز میچ کی پہلی بال پرآوٹ ہوئے تھے۔یہ حادثہ اٖفغانستان کے جس ب،ے باز کے ساتھ پہلی مرتبہ ہوا تھا وہ دائیں ہاتھ سے بلے بازی کرنے والے محمد شہزاد تھے۔ بنگلہ دیش کے خلاف میرپور ڈھاکہ میں16 مارچ2014 کوہوئے میچ میں وہ تیز بالر مشرف مرتضی کی بال پر محمود اللہ کے ہاتھوں کیچ ہوئے تھے۔ افغانستان نے پہلی بال پر وکٹ گنوانے کے ؓبعد17.1 اوور میں72رن بنائے تھے، بنگلہ دیش نے12 اوور میں ایک وکٹ پر78رن بناکر میچ نو وکٹ سے جیت لیا تھا۔اسی میدان پر بنگلہ دیش ہی کے خلاف15 ستمبر2019کو ہوئے میچ میں بھی افغانستان کے افتتاحی بلے باز میچ کی پہلی بال پر آوٹ ہوئے تھے۔رحمت اللہ گرباز کو بنگلہ دیش کے تیز بالر محمد سیف الدین نے بولڈ کیا تھا۔ اس میچ میں افغا نستان ے25 رن سے جیت اپنے نام کی تھی۔ افغانستان نے مقررہ20 اوور میںچھ وکٹ پر164رن بنانے کے بعد میزبان ٹیم کو19.5 اوور میں139رن پر سمیٹ دیا تھا۔
رحمت اللہ گرباز سے پہلے متحدہ عرب امارات میں دو مرتبہ ایسا ہوا ہے جب ٹونٹی ٹونٹی بین الاقوامی کرکٹ میں کوئی بلے باز پہلی بال کا شکار ہوا ہے۔انگلینڈ کے جیسن رائے کو پاکستان کے عامر یامین نے شارجہ میں30نومبر015 کو ہوئے میچ میں ایل بی ڈبلیو کیا تھا جبکہ متحدہ عرب امارات کے جنید صدیقی نے نیوزی لینڈ کے چاڈ بوز کو میچ کی پہلی بال پر وکٹ کیپر اریانش شرما کے ہاتھوں کیچ کرایا تھا۔ یہ میچ 17اگست 2023 کو کھیلا گیا تھا۔
