نئی دہلی ،31جنوری ، پریس ریلیزہماراسماج: اسکول آف لینگویج لٹریچر اینڈ کلچر اسٹڈیز جواہر لعل نہرو یونیورسٹی اور فارم فار ایورنیس آف نیشنل سیکورٹی سے ©©”ہندوستان اور مرکزی ایشائی ممالک کے مابین تاریخی، ثقافتی اور اقتصادی روابط“ کے موضوع پرمنعقدہ دو روزہ بین الاقوامی کانفرنس آج بحسن و خوبی اختتام پذیر ہوئی۔ آج اس کانفرنس کا تیسرا سیشن ٹھیک 10 بجے شروع ہوا۔ اس سیشن میں کل 7 مقالات پڑھے گئے۔ سیشن کی صدارت آریہ بھوشن شکلا، ریٹائرڈ آئی اے ایس افسر نے کی۔ انہوں نےسیشن کے اختتام پر تمام مقالات پرمغز تبصرے کئے۔ کانفرنس کا چوتھا سیشن تقریبا 12 بجے شروع ہوا۔ اس سیشن میں تقریبا 8 مقالات پڑھے گئے۔ اس سیشن کی صدارت پروفیسر دھننجے سینگھ نے فرمائی۔ کانفرنس کا پانچواں سیشن دو بجے شروع ہوا۔ اس میں 7 مقالے پیش کئے گئے۔اس سیشن کی صدارت پروفیسر سنجے پانڈے نے کی۔چھٹا سیشن 4بجے شروع ہوا۔ اس میں 8مقالے پڑھے گئے۔ اس سیشن کی صدارت مہیش چندر شرما،ڈائریکٹرآرڈی ایف آئی ایچ نے کی۔ ساتواں سیشن متوازی طورپر چلا۔ اس میں تقریبا 15 مقالے پڑھے گئے۔ اس کی صدارت پروفیسر اودھیش مشرا، ممبر ہائی پاورڈ بھاشا سمیتی، حکومت ہند نے کی۔ کانفرس کا اختتامی اجلاس شام چھ بجے منعقد ہوا۔ اختتامی اجلاس میں فینس کے سرپرست جناب اندریش کمار نے شرکت کی اور ملک وبیرون ملک سے آئے ہوئے تمام مہمانوں کا شکریہ ادا کیا۔اس اختتامی اجلاس میں لفٹنٹ جنرل کے جی سنگھ بھی شریک ہوئے۔
