پروویڈنس (یو این آئی) گیند بازوں کی شاندار کارکردگی کے بعد ریاست علی شاہ (33) کی صبر آزما اننگز کی بنیاد پر یوگانڈا نے ٹی -20 ورلڈ کپ کے نویں میچ میں پاپوا نیو گنی کو تین وکٹوں سے شکست دے کر ٹورنامنٹ میں اپنی پہلی جیت درج کی ہے۔
گیانا کے پروویڈنس اسٹیڈیم میں یوگانڈا نے ٹاس جیت کر بالنگ کا فیصلہ کیا۔ یوگانڈا کے بالرز نے کپتان برائن مسابا کے فیصلے کو درست ثابت کیا اور پاپوا نیو گنی کے کسی بلے باز کو ٹکنے نہیں دیا۔ پاپوا نیو گنی کے بلے باز لگاتار وقفوں سے یکے بعد دیگرے پویلین لوٹتے گئے۔ کپتان اسد والا (1)، ٹونی اورا (0)، سیس باؤ (5)، لیگا سیاکا (12)، ہیری ہیری (15)، چارلس امینی (5)، کپلن ڈوریگا (12)، چاڈ سوپر (4)، نارمن (4) وانوا (5) اور ایلی ناؤ (5) رن بنانے کے بعد آؤٹ ہوئے۔ پاپوا نیو گنی کی پوری ٹیم 19.1 اوور میں 77 کے معمولی اسکور پر ڈھیر ہو گئی۔
یوگانڈا کی جانب سے الپیش رامجنی، کوسماس کیوتا، جمعہ میاجی اور فرینک نوسوبوگا نے دو دو بلے بازوں کو آؤٹ کیا۔ برائن مسابا نے ایک وکٹ حاصل کیا۔
سست پچ پر 78 رن کا چھوٹا ہدف یوگانڈا کے لیے آسان نہیں تھا۔ یوگانڈا کی شروعات اچھی نہیں تھی اور پاور پلے میں ہی اس نے چار وکٹ گنوا دیئے۔ الپیش رامجنی (8) چھٹے اوور میں رن بناکر دنیش نکرانی (0) پویلین لوٹ گئے۔ ریاست علی نے اننگز کو سنبھالنے کی کوشش کی۔ انہوں نے جمعہ میاجی کے ساتھ 35 رن کی اہم شراکت داری کی۔ جب جمعہ میاجی رن آؤٹ ہوئے تو ٹیم کا اسکور 13.5 اوورز میں 6 وکٹوں پر 61 رن تھا اور ٹیم کو جیت کے لیے 17 رن درکار تھے۔ یوگانڈا کو جیت کے لیے تین رنوں کی ضرورت تھی، اس دوران ریاست علی کو نارمن وانووا کی گیند پر تھرڈ مین جان کیریکو کے ہاتھوں کیچ کرایا۔ ریاست علی نے 33 رن کی اہم اننگز کھیلی۔ کینتھ ویساوا (7) رن بنانے کے بعد ناٹ آؤٹ رہے۔ یوگانڈا نے 18.2 اوورز میں سات وکٹوں پر 78 رن بنانے کے بعد یہ میچ تین وکٹوں سے جیت لیا۔
پاپوا نیو گنی کی جانب سے اولیئی ناؤ اور نارمن وانوا نے دو دو وکٹ حاصل کئے۔ چاڈ سوپر اور اسد والا نے ایک ایک بلے باز کو آؤٹ کیا۔
امریکا اور ویسٹ انڈیز میں جاری ٹی ٹوینٹی ورلڈکپ میں یوگنڈا کے 43 سالہ بولر نے نئی تاریخ رقم کر دی۔گزشتہ روز کھیلے گئے میچ میں یوگنڈا نے پاپوا نیو گنی کو 3 وکٹوں سے شکست دیکر ٹورنامنٹ میں پہلی کامیابی سمیٹی۔لو اسورنگ میچ میں 78 رنز کے ہدف کے تعاقب میں ایک موقع پر پاپوا نیو گنی کیخلاف یوگنڈا کی 5 وکٹیں صرف 26 رنز پر گر گئی تھیں، لیکن ریاضت علی شاہ کی 33 رنز کی بہترین اننگز کی بدولت یوگنڈا نے ہدف 19 ویں اوور میں پورا کر لیا۔ اس میچ میں پاپوا نیو گنی نے انتہائی کم ٹوٹل کا دفاع کرنے کی پوری کوشش کی تاہم اسی دوران مس فیلڈنگ، ڈراپ کیچز اور 15 وائڈ بالز پیسیفک آئی لینڈز کی ٹیم کے لیے بھاری ثابت ہوئے۔یہ کامیابی ناصرف یوگنڈا کی جانب سے بڑی تاریخی تھی بلکہ یوگنڈا کے 43 سالہ اسپنر فرینک سبگا نے بھی میچ میں نئی تاریخ رقم کی۔فرینک سبگا نے ٹو ٹوئنٹی ورلڈکپ کی تاریخ کا سب سے بہترین اسپیل کرایا، انہوں نے اپنے 4 اوورز کے کوٹے میں صرف 4 رنز دیکر 2 وکٹیں حاصل کیں اور دو اوور میڈن کروائے۔آئی سی سی مینز ٹی ٹوئنٹی ورلڈ کپ کے دسویں میچ میں آسٹریلیا نے عمان کو 39رنزسے شکست دے دی۔عمان کے خلاف آسٹریلیا نے پہلے بیٹنگ کرتے ہوئے مقررہ 20 اوورز میں 5 وکٹ کے نقصان پر 164 رنز اسکور کیے۔ٹی ٹوئنٹی ورلڈ کپ کے گروپ بی کی دونوں ٹیمیں بارباڈوس کے شہر برج ٹاؤن میں کنسنگٹن اوول اسٹیڈیم میں آمنے سامنے تھیں، دونوں ٹیموں نے بین الاقوامی کرکٹ میں پہلی مرتبہ ایک دوسرے کا سامنا کیا۔عمان نے آسٹریلیا کے خلاف ٹاس جیت کر پہلے فیلڈنگ کا فیصلہ کیا۔آسٹریلیا کی جانب سے مارکس اسٹونیس نے 66 اور ڈیوڈ وارنر نے 56 رنز کی نمایاں اننگز کھیلی۔عمان کی جانب سے مہران خان نے 2 جبکہ بلال خان اور کلیم اللّٰہ نے ایک ایک کھلاڑی کو آو?ٹ کیا۔165رنزکے تعاقب میں عمان کی ٹیم 9 وکٹ پر 125رنزبناسکی۔عمان کے آیان خان 36 رنز بناکرنمایاں رہے، مہران خان 27، عاقب الیاس نے 18رنزبنائے۔ آسٹریلیا کے مارکس اسٹوئنس نے تین وکٹیں حاصل کیں، مچل اسٹارک، نیتھن ایلیس اور ایڈم زمپا نے دو دو کھلاڑیوں کوآؤٹ کیا۔آل راؤنڈ کارکردگی پر مارکس اسٹوئنس پلیئرآف دی میچ قرارپائے۔ یاد رہے کہ آج آئی سی سی مینز ٹی ٹوئنٹی ورلڈ کپ کے تین میچز کھیلے جا رہے ہیں، پہلا میچ یوگنڈا اور پاپوا نیوگینی کے درمیان کھیلا جا رہا ہے۔
