ناظم منصوری
مرادآباد 26دسمبر، سماج نیوز سروس:یوپی جوڑو یاترا کے تحت آج کانگریس پارٹی کی ضلع و شہر یونٹوں کی جانب سے زبردست خیر مقدم کیا گیا۔ صوبائی صدر اجے رائے کی مرادآباد آمد ایک روز قبل ہو گئی تھی۔ آج کچہری کے چوراہہ سے اس یوپی جوڑو یاترا کا آغاز کانگریس پارٹی زندہ باد کے نعروں سے شروع ہوا جس کی قیادت صوبائی صدر اجے رائے کے ساتھ ضلع صدر اسلم خورشید و شہر صدر انو بھو مہروترا کے ساتھ ہی سابق ایم ایل اے حاجی اکرام قریشی و سابق مئیر امید وار حاجی رضوان قریشی بھی اپنے تمام ساتھیوں کے ساتھ موجود رہے۔ دئیے گئے وقت سے تقریبا دو گھنٹہ تاخیر سے شروع ہوئی اس یاترا میں لوگوں نے بڑھ چڑھ کر حصہ لیا۔ کچہری چوراہہ سے شروع ہوئی یہ یاترا شہر کے مختلف راستوں سے گزری بارہ دری کے نزدیک پارشد تنظیم کے کانگریس کونسلروں بھارتیہ پرویز عالم، شمشیر علی، سید معظم علی، قمر سلیم محمد معظم صحافی، محمد افتخار ، محمد ناظم، کیدر سنگھ نے اس یاترا کا استقبال کیا جہاں صوبائی صدر نے اخباری نمائندوں سے بات کرتے ہوئے کہا کہ ہماری اس یاترا کا مقصد عوام میں پیار محبت کا پیغام پہنچانا ہے موجودہ سرکار کا جو خوف عوام میں پھیلا ہوا ہے اس کو دور کرنا ہے ہندوستان ہم سب کا ہے۔ اور ہم سب یہاں کے رہنے والے ہیں ہمیں اس ملک سے کوئی جدا نہیں کر سکتا۔ جس طرح سے پارلیمنٹ میں سیکولرزم کا قتل کیا جارہا ہے اس کا جواب آنے والے ۲۰۲۴ء کے انتخاب میں حکومت کو عوام خود دیںگے۔ جس طرح سے کانگریس کو لیکر عوام میں رجحان بڑھا ہے اس سے کانگریس کے مستقبل کو تقویت حاصل ہو رہی ہے۔ کانگریس کی یہ یاترا تحصیل اسکول ہوتے ہوئے لال باغ میں واقع مرحوم حافظ محمد صدیق سابق ایم پی کی رہائش گاہ پہنچا جہاں ان کا پرتپاک خیر مقدم مرحوم حافظ محمد صدیق کے اہل خانہ نے کیا۔ گورنمنٹ انٹر کالج میں بھی اس یاترا کا خیر مقدم کرتے ہوئے کارکنان نے شمولیت کی۔ جامع مسجد چوراہہ پر بھی اسی طرح خیر مقدم کیا گیا جہاں کانگریسی کارکنان بڑی تعداد میں موجود تھے۔ پرنس روڈ سے گزرتے ہوئے یہ یاترا حافظ بننے کی پلیہ پر پہنچی تو یہاں بھی کانگریس کے سینئر لیڈروں نے خیر مقدم کیا۔ اندرا چوک پر پہنچنے پر یاترا کو زبردست حمایت حاصل ہوئی اور لوگ یوپی جوڑو ،نفرت چھوڑو کے نعرے لگاتے ہوئے یاترا میں شامل ہوئے۔ گلشہید سے بھوڑے کے چوراہہ پر پہنچنے پر یاترا کا خیر مقدم سابق ایم ایل اے و وزیرحاجی اکرام قریشی و سابق مئیر امید وار حاجی رضوان قریشی نے اپنے حامیوں کے ساتھ کیا یہاں سے عید گاہ ہوتے ہوئے یہ قافلہ چوکی دس سرائے ہوتا ہوا کوہ نور تراہہ کرولہ پر پہنچا جہاں سے یہ قافلہ رامپور کے لئے روانہ ہوا۔ اس قافلہ میں خصوصی طور پر اتر پردیش کانگریس اقلیتی شعبہ کے صوبائی چئیر مین شاہنواز عالم، آنند موہن گپتا ایڈو کیٹ، اسد مولائی، حاجی صغیر سعید خاں، انو راگ شرما، محمد کامل منصوری، محمد جنید، ندیم انصاری، اعظم انصاری، افضل صابری، راجیندر بالمیکی، سدھیر پاٹھک، وویک گپتا، ارشد پرویز ایڈو کیٹ، محمد سمیع، نتیش مشرا، نواب آصف ، الوک کمار، صفدر نیازی، فرحان قریشی، نزاکت ٹھیکیدار، انوپ دوبے، امیر الحسن جعفری، سنجیو شرما، ونود گمبر، بھیہنکر سنگھ بودھ، محمد عباس ایڈو کیٹ، سید اکرام علی، بنٹی سردار، افسر خاں، سمیت بڑی تعداد میں کارکنان موجود رہے۔
