واشنگٹن (ہ س )۔اسرائیلی وزیراعظم بنجامن نیتن یاہو کے دفتر کے ایک بیان کے مطابق اسرائیلی وزیر اعظم نیتن یاہو نے بدھ کے روز یروشلم میں سی آئی اے کے نئے ڈائریکٹر جان ریٹکلف سے ملاقات کی۔بیان میں کہا گیا ہے کہ "وزیراعظم بنجامن نیتن یاہو نے بدھ کی شام سی آئی اے کے ڈائریکٹر جان ریٹکلف سے موساد کے ڈائریکٹر ڈیوڈ بارنیا کی موجودگی میں ملاقات کی۔ یہ ملاقات ایک ایسے وقت میں ہوئی ہے جب عمان میں واشنگٹن اور تہران کے درمیان طے شدہ مذاکرات اور غزہ میں جنگ بندی کے حوالے سے کوششوں کے درمیان ہوئی ہے۔نیتن یاہو بدھ کی صبح وائٹ ہاؤس میں ملاقات کے بعد واشنگٹن سے واپس آئے، جہاں صدر ڈونلڈ ٹرمپ نے حیرت انگیز طور پر اعلان کیا کہ امریکہ اگلے ہفتے کے روز ایران کے ساتھ س کے جوہری پروگرام پر براہ راست، اعلیٰ سطحی بات چیت شروع کرے گا۔لیکن اسرائیلی وزیر اعظم نے اس اعلان کے بعد کہا کہ اگر واشنگٹن اور تہران کے درمیان بات چیت طویل عرصے تک جاری رہی تو "فوجی آپشن” "ناگزیر” ہو جائے گا۔انہوں نے اسرائیل واپسی سے کچھ دیر قبل ایک ویڈیو بیان میں مزید کہا کہ ہم ٹرمپ سے متفق ہیں کہ ایران کے پاس جوہری ہتھیار نہیں ہونا چاہیے ۔ اپنی ملاقات کے دوران دونوں رہنماؤں نے کہا کہ غزہ میں حماس کے زیر حراست مزید قیدیوں کی رہائی کے لیے نئے مذاکرات جاری ہیں۔
