واشنگٹن، (یو این آئی) امریکی نائب صدر جے ڈی وینس کے سیکیورٹی اہلکاروں پر فائرنگ کی گئی جوابی کارروائی میں ایک ملزم ہلاک ایک زخمی ہو گیا۔ امریکی میڈیا کے مطابق یہ واقعہ وائٹ ہاؤس کے قریب اس وقت پیش آیا جب کچھ لمحہ قبل امریکی نائب صدر جے ڈی وینس کا قافلہ وہاں سے گزرا تھا۔ رپورٹ کے مطابق امریکی نائب صدر جے ڈی وینس کی سیکیورٹی پر مامور خفیہ سروس کے اہلکاروں پر فائرنگ واشنگٹن یادگار کے قریب کی گئی۔ خفیہ اہلکاروں نے فوری جوابی کر کے ایک مشتبہ مسلح شخص کو زخمی کر کے گرفتار کر لیا، جب کہ دوسرا ملزم ہلاک ہو گیا۔ امریکی سیکرٹ سروس نے کہا ہے کہ اس کے افسران نے وائٹ ہاؤس کے قریب ایک مسلح اور مشکوک شخص کو دیکھا جس نے سیکرٹ سروس کے اہل کاروں پر فائرنگ کی اور فرار ہو گیا تاہم قانون نافذ کرنے والے ادارے نے اسے گولی مار دی، واقعے کے بعد کچھ دیر کے لیے وائٹ ہاؤس میں لاک ڈاؤن کر دیا گیا۔ سیکرٹ سروس کے ڈپٹی ڈائریکٹر میتھیو کوئن نے بتایا کہ واقعے سے کچھ ہی دیر پہلے نائب صدر جے ڈی وینس کی گاڑیوں کا قافلہ اسی علاقے سے گزرا تھا۔ تاہم اس بات کا کوئی ثبوت نہیں ملا کہ یہ مشکوک شخص جے ڈی وینس کے قافلے تک پہنچنا چاہتا تھا یا نہیں۔
