ایس اے ساگر
نئی دہلی، سماج نیوز سروس:شدید سیاسی رسہ کشی کے دورران، لوک بھون ذرائع نے بتایاہے کہ ٹی وی کے سربراہ وجے کو گورنر راجیندر وشواناتھ ارلیکر سے ملاقات کرنے کا وقت دے دیا گیا ہے۔ٹی وے کے سربراہ سی جوزف وجے کی قیادت میں دو سیٹوں کے حامل ویدو تھالیہ چیرو تھائی گل (وی سی کے)اور تملگاویتری کازگم (ٹی وی کے )کی حمایت کیساتھ تمل ناڈو حکومت کی تشکیل کی جائے گی ۔’ٹی وے کے‘ لیڈر آدھو ارجن نے کہا کہ’ وی سی کے‘ نے انہیں حمایت کا مراسلہ سونپا ہے، اور اس کیساتھ’ٹی وے کے‘ سربراہ وجے اب تمل ناڈو کے وزیر اعلیٰ ہوں گے۔’ آئی یو ایم ایل‘ نے بھی’ ٹی وے کے ‘ غیر مشروط حمایت کا بھی اعلان کیا ہے۔ دریں اثنا، لوک بھون کے ذرائع نے بتایا ہےکہ مسٹر وجے کو گورنر راجیندر وشواناتھ ارلیکر سے ملاقات کرنے کا وقت دیا گیا ہے۔ گورنر نے اپنا کیرالہ دورہ منسوخ کر دیا ہے۔ مسٹر وجے نے گورنر سے ملاقات کرنے اور حکومت بنانے کا دعویٰ پیش کرنے کیلئے فارشور اسٹیٹ میں واقع اپنی رہائش گاہ سے آغاز کیا ہے۔ اب وی سی کے اور’ آئی یو ایم ایل ‘دونوں’ٹی وے کے‘ کیلئے اپنی حمایت کا اعلان کر رہا ہے، غور طلب ہے کہ وجے کی قیادت والے اتحادمیں ’ٹی وے کے‘ کی 108 نشستیں،کانگریس کی – 5 نشستیں’،سی پی آئی‘ کی 2 نشستیں، سی پی آئی (ایم)کی 2 نشستیں، ’وی سی کے ‘ کی 2 نشستیں،’ آئی یو ایم ایل‘کی 2 نشستیں کل ملا کر ’ٹی وے کے‘ سمیت 121 نشستیں شامل ہیں۔ (بشمول وجے کی جیتی ہوئی 2نشستیں)’ٹی وے کے‘ سربراہ وجے کل تمل ناڈو کے وزیر اعلی کے طور پر حلف لیں گے۔یعنی کل بروز اتوار 10 مئی 2026 کو سہ پہر 3 بجے ’ٹی وے کے‘ سربراہ وجے کی تمل ناڈو کے وزیر اعلیٰ کے طور پر حلف برداری کی تقریب منعقد ہوگی۔تمل ناڈو میں گزشتہ چند دنوں سے چھائی ہوئی سیاسی غیر یقینی صورتحال کا بالآخر ہفتہ کی شام اس وقت خاتمہ ہوا جب تملگا ویٹری کزگم کے صدر اور واحد سب سے بڑی پارٹی کے رہنما سی جوزف وجے نے چنئی کے لوک بھون میں گورنر راجیندر وشواناتھ آرلیکر سے ملاقات کی، جس میں 4-2-4 ایم ایل اے کی حمایت سے حکومت بنانے کا دعویٰ پیش کیا۔ آج شام کے اوائل میں، اے آئی اے ڈی ایم کے کیمپ میں پھوٹ پڑنے والی قیاس آرائیوں کے درمیان، پارٹی لیڈر آر بی ادھیاکمار سی وی۔ چنئی میں’اے آئی اے ڈی ایم کے ‘ کے کئی اراکین اسمبلی کیساتھ شانموگم کی رہائش گاہ پر ملاقات کی۔’ٹی وے کے‘ کارکنوں اور حامیوں نے چنئی میں’ٹی وے کے‘ صدر دفتر کے باہرآتش بازی کرکے جشن منایا جبکہ پارٹی تامل ناڈو میں حکومت بنانے والی ہے۔واضح رہے کہ فلمی اداکار سے سیاست دان بننے والے سی جوزف وجے کی سیاسی جماعت تملگا ویٹری کزھگم (ٹی وی کے) نے تمل ناڈو اسمبلی انتخابات میں 234 میں سے 108 نشستیں حاصل کی تھیں۔ یوں وہ اکثریتی پارٹی بننے سے صرف 10 نشستیں پیچھے رہ گئے تھے۔ ملک کی بڑی حزبِ اختلاف کانگریس نے جس کے پاس پانچ نشستیں ہیں، نتائج کے چند ہی گھنٹوں کے اندر ’ٹی وی کے‘ کی حمایت کا اعلان کر دیا ۔ ریاستی گورنر راجندر وشواناتھ آرلیکر نے اصرار کیا کہ ’ٹی وی کے‘ حکومت بنانے کیلئے درکار 118 ارکانِ اسمبلی کی حمایت کا ثبوت پیش کرے۔جمعے کی دوپہر تین چھوٹی جماعتوں کمیونسٹ پارٹی آف انڈیا (سی پی آئی)، کمیونسٹ پارٹی آف انڈیا-مارکسسٹ (سی پی آئی-ایم) اور ودھوتلائی چیروتھائیگل کچھی (وی سی کے) نے بھی ’ٹی وی کے‘ کی حمایت کا اعلان کر دیا۔ ان تینوں جماعتوں کے پاس دو، دو نشستیں ہیں۔جمعے کو سی جوزف وجے نے ایک بار پھر گورنر سے ملاقات کی جو تین روز میں ہونے والی تیسری ملاقات رہی۔سیاسی منظرنامے پر ان کے شاندارعروج کا موازنہ میٹنی آئیڈیل ایم جی راماچندرن سے کیا جا رہا ہے، جنھوں نے اپنی جماعت بنا کر 1977 میں وزیر اعلیٰ کا عہدہ سنبھالا تھا۔
