نئی دہلی، ( یو این آئی)ہندوستانی کشتی کی معروف پہلوان وینیش پھوگاٹ کو ریسلنگ فیڈریشن آف انڈیا (ڈبلیو ایف آئی ) نے ایشین گیمز 2026 کے سلیکشن ٹرائلز کے لیے نااہل قرار دے دیا ہے۔فیڈریشن کے مطابق ٹرائلز میں شرکت کے لیے پہلوانوں کا تین ملکی مقابلوں – 2025 سینئر نیشنل ریسلنگ چیمپئن شپ، 2026 سینئر فیڈریشن کپ اور انڈر-20 نیشنل ریسلنگ چیمپئن شپ میں میڈل جیتنا لازمی تھا۔چونکہ ونیش پھوگاٹ نے ان میں سے کسی بھی ٹورنامنٹ میں حصہ نہیں لیا، اس لیے وہ مقررہ اہلیت کے معیار پر پوری نہیں اتریں۔ پیرس اولمپکس 2024 کے بعد انہوں نے کشتی سے کنارہ کشی اختیار کر لی تھی، اگرچہ بعد میں واپسی کا اعلان بھی کیا تھا۔میدان سے دوری کے دوران ان کی ذاتی زندگی میں بھی خوشی آئی اور وہ گزشتہ سال ماں بنیں۔31 سالہ ونیش نے اپنی واپسی کے لیے 10 سے 12 مئی تک اتر پردیش میں ہونے والے نیشنل اوپن رینکنگ ٹورنامنٹ کا انتخاب کیا ہے، تاہم ڈبلیو ایف آئی نے واضح کیا ہے کہ اس ٹورنامنٹ کے نتائج کو ایشین گیمز ٹرائلز کی اہلیت کے لیے تسلیم نہیں کیا جائے گا۔خواتین کے ٹرائلز 30 مئی کو اندرا گاندھی اسٹیڈیم میں منعقد ہوں گے، جبکہ مردوں کے فری اسٹائل اور گریکو رومن مقابلے 31 مئی کو لکھنؤ میں ہوں گے۔فیڈریشن نے یہ بھی واضح کیا ہے کہ انتخاب صرف ٹرائلز کے نتائج کی بنیاد پر ہوگا اور ماضی کی کارکردگی کو اہمیت نہیں دی جائے گی۔2026ایشیائی گیمزکا انعقاد 19 ستمبر سے 4 اکتوبر 2026 تک جاپان میں ہوگا۔
