سید پرویز قیصر
آئیر لینڈ کے خلاف بیلفاسٹ میں کھیلے گئے خواتین کی تین ایک روزہ بین الاقوامی میچوں کی سریز کے پہلے میچ سے پہلے تک سری لنکا کی جانب سے خواتین کے ایک روزہ بین الاقوامی کرکٹ میں نو سنچریاں اسکور ہوئی تھیں اور یہ سبھی چماری اتاپتو نے اسکور کی تھیں۔ بیلفاسٹ میں ہوئے میچ میں وہ اپنا کھاتہ نہیں کھول پائیں مگر ویشمی گونارتنے نے اس میچ میں117 منٹ میں98 بالوں پر نو چوکوں اور تین چھکوں کی مد دسے101 رن بنائے جو خواتین کے 16 ویں ایک روزہ بین الاقوامی میچ کی 16 ویں اننگ میں انکی پہلی سنچری تھی۔ انکی یہ سنچری سری لنکا کی خواتین کو جیت نہیں دلاسکی اور وہ یہ میچ تین وکٹ سے ہارگئی۔
دائیں ہاتھ کی اس بلے باز کا اس سے پہلے خواتین کی ایک روزہ بین الاقوامی کرکٹ میں سب سے زیادہ اسکور50 رن تھا جو انہوں نے دو مرتبہ بنایا تھا۔ گول میں نیوزی لینڈ کی خواتین کے خلاف کھیلے گئے میچ میں انہوں نے پہلی مرتبہ نصف سنچری اسکور کی تھی۔27 جون 2023 کو ہوئے اس میچ میں انہوں نے 74 بالوں پر تین چوکوں کی مددسے پورے پچاس رن بنائے تھے۔اس میچ میں سری لنکا نے نو وکٹ سے جیت اپنے نام کی تھی۔ ہمبنتوتا میں ویسٹ انڈیز کی خواتین کے خلاف18 جون2024 کو ہوئے میچ میں انہوں نے50 بالوں پر نو چوکوں اور ایک چھکے کی مدد سے50 رن بنائے تھے۔اس میچ میں سری لنکا نے پانچ وکٹ سے کامیابی حاصل کی تھی۔
ویشمی گونارتنے کی سنچری آئیرلینڈ کے خلاف سری لنکا کی جانب سے خواتین ایک روزہ بین الاقوامی کرکٹ میں دوسری سنچری تھی۔ اس سے پہلے آئیرلینڈ کے خلاف سری لنکا کی جانب سے واحد سنچری چماری اتاپٹو نے اسکور کی تھی۔بائیں ہاتھ کی اس بلے باز نے کولمبو میں28 اپریل2011 کو ہوئے میچ میں110 بالوں پر 17 چوکوں اور ایک چھکے کی مدد سے111 رن بنائے تھے۔ بارش کی وجہ سے یہ میچ کسی فیصلہ کے بغیر ختم ہوا تھا۔
آئیر لینڈ کے خلاف ابھی تک33 کھلاڑیوں نے34 سنچریاں خواتین کے ایک روزہ بین الاقوامی کرکٹ میں اسکور کی ہیں۔ جنوبی افریقہ کی لورا ولور ڈٹ ایسی واحد بلے باز ہیں جنہوں نے آئیر لینڈ کی خواتین کے خلاف ایک روزہ بین الاقوامی کرکٹ میں دو سنچریاں اسکور کی ہیں۔ دائیں ہاتھ کی اس بلے باز نے آئیر لینڈ کے خلاف پہلی سنچری دبلن میں9 اگست2016 کو ہوئے میچ میں اسکور کی تھی۔ اس میچ میں انہوں نے143 منٹ میں125 بالوں پر14 چوکوں کی مدد سے105 رن بنائے تھے۔ انکی اس سنچری کی بدولت جنوبی افریقہ کی خواتین نے مقررہ 50 اوور میں چھ وکٹ پر 260رن بنائے تھے۔ آئیرلینڈ کی سبھی کھلاڑی45 اوور میں193 رن بناکر آوٹ ہوگئی تھی جس کی بدولت مہمان ٹیم نے67 رن سے کامیابی اپنے نام کی تھی۔
پوچیفسٹروم میں11 مئی2017 کو ہوئے میچ میں لورا ولور ڈٹ نے179 منٹ میں149 بالوں پر17 چوکوں کی مدد سے149 رن بنائے تھے جو انکی آئیرلینٖڈ کے خلاف دوسری سنچری تھی۔اس میچ میں جنوبی افریقہ نے178 رن سے جیت اپنے نام کی تھی۔ لورا ولور ڈٹ کی شاندار اننگ کی بدولت جنوبی افریقہ نے مقررہ50 اوور میں پانچ وکٹ پر 337 رن بنانے کے بعد آئیرلینڈ کو مقررہ 50 اوور میں آٹھ وکٹ پر 159 رن بنانے دیئے تھے۔
سری لنکا کی جانب سے چماری اتاپتو نے جو105 ایک روزہ بین الاقوامی میچ کھیلے ہیں انکی 105 اننگوں میں36.43 کی اوسط اور75.42 کے اسٹرائیک ریٹ کے ساتھ نو سنچریوں اور17 نصف سنچریوں کی مدد سے3643 رن بنائے ہیں۔وہ11 مرتبہ اپنا کھاتہ کھولے بغیر آوٹ ہوئی ہیں اور ان کا سب سے زیادہ اسکور آوٹ ہوئے بغیر195 رن ہے جو انہوں نے جنوبی افریقہ کی خواتین کے خلاف پوچیفسٹروم میں17 اپریل2024 کو139 منٹ میں26 چوکوں اور پانچ چھکوں کی مدد سے بنایا تھا۔ اس میچ میں سری لنکا نے چھ وکٹ سے جیت حاصل کی تھی۔
خواتین کے ایک روزہ بین الاقوامی کرکٹ میں سری لنکا کی جانب سے188 میچوں میں ابھی تک دس سنچریاں اسکور ہوئی ہیں۔ جو دو بلے بازوں نے بنائی ہیں۔ نو سنچریاں چماری اتاپتو نے اور ایک ویشمی گونارتنے ۔
