منہاج احمد
نئی دہلی 17نومبر،سماج نیوز سروس:’آپ‘ کے سربراہ اور دہلی کے وزیر اعلی اروند کجریوال نے استعفی دینے پر مرکزی حکومت سے حملوں پر کہا کہ بی جے پی ہم کو جیل بھیجنے کا منصوبہ بنارہی ہے۔عام آدمی پارٹی (آپ) کے کنوینر اور دہلی کے وزیر اعلی اروند کجریوال نے جمعہ کو پارٹی کارکنوں سے بات چیت کی۔ اس دوران کجریوال نے کہا کہ ہمارا سنگٹھن اور کارکنان عام آدمی پارٹی کی سب سے بڑی طاقت ہیں۔ اس موقع پر انہوں نے وزیر اعظم نریندر مودی پر بھی حملہ کیا۔ مرکزی حکومت پر نشانہ لگاتے ہوئے انہوں نے کہا کہ مجھے جیل بھیجنے کا منصوبہ بنایا گیا ہے۔کجریوال نے کہا کہ ہم جیل جانے سے نہیں ڈرتے، میں ایک بار 15 دن جیل میں رہا، اندر اچھے انتظامات ہیں، اس لیے آپ کو بھی جیل جانے سے ڈرنا نہیں چاہیے، اگر بھگت سنگھ اتنے دن جیل میں رہ سکتے ہیں۔ منیش سسودیا 9 ماہ تک جیل میں رہ سکتے ہیں، ستیندر جین ایک سال تک جیل میں رہ سکتے ہیں، اس لیے ہم جیل جانے سے نہیں ڈرتے۔’آپ‘ کنوینر نے مزید کہا کہ ’’ہمیں اقتدار کا لالچ نہیں، میں نے 49 دن بعد استعفیٰ دیا، کوئی بھی اپنے چوکیدار کی نوکری سے استعفیٰ نہیں دیتا، میں سمجھتا ہوں کہ میں دنیا کا پہلا وزیر اعلیٰ ہوں جس نے 49 دن بعد اپنی مرضی سے استعفیٰ دیا۔ استعفیٰ جوتے کی نوک پر رکھتا ہوں، مجھے وزیر اعلیٰ کی کرسی کا کوئی لالچ نہیں، میں مختلف لوگوں سے بات کر رہا ہوں کہ استعفیٰ دوں یا جیل سے حکومت چلاؤں۔ آج اپنے کارکنوں سے بات کررہا ہوں‘‘۔وزیر اعلیٰ نے ’آپ‘ کارکنوں سے کہا، ’’اب میں آپ لوگوں پر ذمہ داری ڈال رہا ہوں۔ دہلی کے لوگوں نے ہمیں بہت پیار دیا ہے۔ ہم دہلی کے لوگوں کی مرضی کے بغیر کچھ نہیں کریں گے۔ آپ لوگوں کو جانا ہے۔ دہلی اور عوام کے گھر گھر جا کر ہمیں پوچھنا ہے کہ کیا کیا جائے، ہم چوراہے پر کھڑے ہیں، اگلے 10-15 دنوں میں ہمیں دہلی کو چھان مارنا ہے، ہمیں ہر گھر میں جا کر لوگوں سے پوچھنا ہے کہ کیا ہم استعفیٰ دے دیں یا جیل سے حکومت چلائیں، جو ’’عوام کہیں گے ہم وہی کریں گے‘‘۔کجریوال نے اپنے پارٹی کارکنوں سے یہ بھی کہا کہ وہ سوچیں کہ لوک سبھا انتخابات کی مہم آج سے شروع ہو گئی ہے۔ انہوں نے کہا، ’’یہ لوک سبھا انتخابات کی مہم ہے، ہمیں ہر گھر میں جا کر بی جے پی اور نریندر مودی کو بے نقاب کرنا ہے، چاہے میں جیل کے اندر رہوں یا باہر، اس بار بی جے پی کو ایک بھی لوک سبھا سیٹ نہیں ملنی چاہیے‘‘۔
